बाँपीझ्याला, दोलखा। दोलखामा आज थप १५ जनामा कोरोना संक्रमण पुष्टि भएको छ । जिल्लाको ९ वटै स्थानीय तहमा ३९ जनाकोे एन्टिजिन परिक्षण गरिएकामा १५ जनामा संक्रमण पुष्टि भएको हो । आज कोरोना संक्रमण पुष्टि हुनेमा जिरी नगरपालिकाका ६ पुरुष र ८ महिला र भीमेश्वर नगरपालिकाका एक महिला रहेका छन् । यो संगै जिल्लामा सक्रिय कोरोना संक्रमित हुनेको संख्या ३ सय ३८ पुगेको स्वास्थ्य कार्यालय दोलखाले जनाएको छ ।
यस्तै आज एकैदिन २३ जना संक्रमण मुक्त भएका छन् । जसमा भीमेश्वर नगरपालिकाबाट १६ पुरुष र ६ महिला र जिरी नगरपालिकाबाट एक जना महिला निको भएका हुन् ।
यो संगै जिल्लामा हालसम्म २ हजार २ सय ५ जनाले कोरोनालाई जितेका छन् । संक्रमित मध्य चरिकोट अस्पतालमा रहेको एचडियुमा २ जना छन् भने सिंगटी अस्पतालमा ५ जना आइसोलेशन वार्डमा उपचाररत छन् । कोरोना संक्रमण देखिएका ३ सय ३१ जना होम आइसोलेशनमा बसि स्वास्थ्य लाभ लिइरहेका छन् ।