बाँपीझ्याला, येँ । नेपाल सम्वत् ११४२ कौलागा द्वादशी शनिबारय् २ः३० घडीकुु द्वाल्खा नेपाल भाषा खलकन थापरेय् न्हुलु दँकु भिंगु टोङन् दाँसपत्तिं येङन् च्वङ येँ देश थिगुरी उइरि ज्येखँय् लागिन् दोखुनु द्वाल्खाय् ज्येकुठीपेन् (संघसंस्था)य् पदाधिकारी नापनापं द्वाल्खालान् ययेन् थउथउ ज्ये येङन् च्वंगु व जागीर नयेन् च्वंगु येँ, ख्वप, यल देशकु च्वंगु ताताकेहेँ दाजुकिँज मुइँरि ज्येखँय् मुङ ज्ये क्वचल । थन्हुय् मुङ ज्येय् संयोजन् द्वाल्खा नेपाल भाषा खलकय् मूलमी (नायः) इन्जिनियर भाजु नहेन्द्र प्रधान येङन्दिय् खेउँ ।
थन्हुय् मुङ ज्येखँकु द्वाल्खा गुठीय् खेन्नलान् मुल छ्याञ्जे (महासचिव) भाजु उपेन्द्र प्रधान व दुज मैजु कल्याणीदेवी श्रेष्ठ, कालिन्चोक युवा क्लव खेन्नलान् ढ्यावावरिल भाजु शान्त श्रेष्ठ, समकालीन एकता समाज नेपाल खेन्नलान् मूलमि मैजु सकुना श्रेष्ठ व ज्येकुमि (दुज) जमुना श्रेष्ठ, छिजि द्वाल्खा डोबरय् खेन्नलान् मुलमि मैजु रिना श्रेष्ठ चाकुबजी, ढ्याबाबरिल मैजु संध्या श्रेष्ठ, ज्येकुमि (दुज) मैजु कल्पना श्रेष्ठ महर्जन, सिविन नेपाल खेन्नलान् भाजु माधव प्रधान, नेवार देशय् डोबर दोलखा जिल्लाय् मूलमि भाजु देवेन्द्र नारायण प्रधान, पाखलती सहयोग समितिय् मूलमि भाजु श्यामकृष्ण मास्के, उर्जाशील महिला समूहय् मूलमि मैजु अञ्जु श्रेष्ठ, आन्थितु विशेष पाउनामिय् ल्याखाकु द्वाल्खामिय् जारी भाजु रत्न बहादुर श्रेष्ठ, भाजु संजीव श्रेष्ठ व भाजु विश्व श्रेष्ठ ययेन् च्वंगु दउजु
थन्हुय् मुङ ज्येखँकु बनारसी सहयोगी हातहरू, द्वाल्खा म्यासमुचा खलक, साथीको लागि साथी समूह, साथी कल्याणकारी समूहय् मूलमिपिस्तं सत्तये दउजु तर थ्येन्द मायार । थन्हुय् मुङ ज्येखँकु सत्तय् मूल उद्देश्य त चल्केयेन् द्वाल्खा मिपेन् स्वनिग देश दुपान थउथउ ज्येखँय् ल्याखाकु ययेन् च्वंगुपेन् दोखुनु मुङन् येँ न्हुलु द मानेरि त थि जुइलौ हङन् सरसल्लाह येरित सत्तये बारेकु ज्येखँ सोंकेउमि भाजु बालकृष्ण पासान् थउ खँ तये दउजु । इथितु थउथउ खँ तय् ल्याखाकु द्वाल्खामिपेन् यले च्वन्सं येउता ज्ये येर्सं थिगुर ग्वारा जुयेन् हाखेन क्येइँलौ हङ खँ आँकु येउ दोखुसेनुं थिगुर तु मत तये खँ सिदत ।
द्वाल्खा दुपान बुये जुर्सं थउथउ व्यावहारिक जीवन बित्यारित पित ययेन् च्वन्सं द्वाल्खाय् माया दोखुसेतं लगैजुर, थउ ठाइँ त माया येरित गुं राजनीतिक पार्टीय् कुल्सी गयेन् थात उइँमल्गु मद । द्वाल्खा वा छिजि बुय् ठाइँ खेउँ, राजनीतिक पार्टी त बुकेउ छिजि मि तु खेउँ, उ कारण न थउ ठाइँय् नाम जाकेइत, भिंकेइत येउसेनुं, येउताङ् ज्ये येङन् क्येइँजिर तर उकु थिम्हा थिम्हा मिपे अहंता व दम्भन् येत्नसिन् द्वाल्खाय् नाम थात येइात स्वयेन् क्वत त्यालेन् थिम्हा मि पच्छे स्वयेन् थउ ठाइँत अवहेलना येकु खोइँदयेन् ययेन् च्वन, यिनागु खँ त त्वार्त छिजि दोखुनु थिगुर जुयेन् क्येइँलौना हङन् उ ज्ये ग्वय् खेउँ ।
थन्हु ज्ये खँकु आउ येउ न्हुलु दकु येँ देशय् बसन्तपुर डोबरकु मुङन् देश हिल्केइरि ज्येखँकु निजा नकेइरि, ब्यानर दकेइरि आले सिँदर तित्के तुल ब्वठइरि ज्येखँय् लागिन् ज्ये ब्वठये खँङ् सिदत । थन्हुय् मुङ ज्येखँकु न्हुलु दकु प्रचार प्रसार बाँपिझ्याला डटकम न जिम्माकाय् दमु । सिंदर तित्केइरि व तुल कोखाकेइरि ज्ये छिजि द्वाल्खा डोबरय् रिना श्रेष्ठन् जिम्मा दमु ।
यउ कार्तिक ९ तिथीय सुनीय ७ घडीकु ¥यालीकु ब्व कायन दिईत दोखुनु द्वाल्खावासीपिस्त बसन्तपुर डोवय गुगुर टो (नौ तले) दरबार हाखेन ग्वारमुईत ईनाप यङन तरै ।
भाजु सम्पादकजु,
बाँपिझ्याला अनलाईन पति
व्दाल्खाकु जन्म जुयन थाै थाै जेखँकु काठमनण्डुययन च्वंगु थि थिगु खल पुचय नाय भाजुमैजु दुजपिन दखु थेठाई नापलङ जेध्वगु खँ ताईदर्न जनउ मन रस्तार । जि व्दाल्खाकु जन्म जुयमखेर्सउ व्दाल्खामिय मिच व्यहा याङ हुनान व्दाल्खा हरिकत्नउ थाै थेलगैजुयन यर ।थाैपसिन याङ बाँलकु जेखँकु जनउ सहमत दमु। सुभाय।