छन्त भिंगु टोङन हतगी,
छन बाँलकु थ्वजु हतगी ।
दाँही जाकीहीङ् म्वङन् तउइँ,
सेलमारीङ् जिन् छुङन् तउइँ,
हाकौ मासउङ् डोयेन् तउइँ,
संक्रान्तिखुन्हु या हङन् तउइँ ।
पिपान् जुर्सं माया यतगी
छन्त भिंगु टोङन हतगी ।
घेर व चाकु रिकापीकु तयेन्,
कहताराकु तिखौउङ् डोयेन्,
पियेन् च्वंगुइ छन मुल स्वयेन्,
येइन बार्पउइँ जाङलथेँ ब्वयेन् ।
उन्थाँ मेबु जिं हरि मसगी
छन्त भिंगु टोङन् हतगी ।
भुजिरी वालेन् आलु म्वङन्,
लाबा पालौ तयेन् दके च्वङन्,
स्वरगी मुल छन लुखा ज्वङन्,
गल टाहगके झ्याला ख्वङन्,
छि म्वखोन्के च्वइँतु मफगी,
छन्त भिंगु टोङन् हतगी ।
छन्त भिंगु टोङन हतगी,
छन बाँलकु थ्वजु हतगी ।
बाँपीझ्याला खेन्नलान् भाजु बालकृष्ण श्रेष्ठय थउ भाव
वालकृष्णपासाय मे बाँलकु दमु।