अजय प्रधान,
बाँपीझ्याला, दोलखा । दोलखा जिल्ला ऐतिहासिक नगर भीमेश्वर नगरपालीका वडा नं. २ दोलखा स्थित टसिचा टोलमा कुमारी भवन निर्माणाधिन अवस्थामा रहेको छ । गत ०७७ चैत्र ८ गते समाजसेवी एवं उद्योगपती लक्ष्मण श्रेष्ठको हातबाट शिलान्यास गरिएको थियो ।
उक्त भवनमा आज भीमेश्वर नगरपालीका वडा नं. २ का वडाध्यक्ष विराजमान श्रेष्ठको हातबाट थापना गरिएको मुल ढोका पूजा गरिएको छ । उक्त मुल ढोका पूजा गर्ने अवसरमा यस भवन निर्माण समितीका संयोजक गोपाल प्रधान, सहयोगी सदस्य अनिल चन्द्र श्रेष्ठ, डकर्मी नाईके, सिकर्मी नाईके लगायत गुठीयार र स्थानिय वासिन्दाहरुको उपस्थिती रहेको छ ।
कोभिड १९ को संक्रमणबाट जिल्ला प्रशासन कार्यालय दोलखाले भीमेश्वर नगरपालीका भित्रका वडा नंं ३ र ६ लकडाउन गरिएको अवस्था र दिन प्रतिदिन संक्रमण बढ्दै गएको कारणले वडा प्रमुख विराजमान श्रेष्ठको हातबाटबाट विधिपूर्वक मुल ढोका पूजा गरिएको हो । यसरी संक्रमण बढ्दै गएको कारणले सुरक्षको दृष्ट्रीले दोलखाका प्रमुख जिल्ला अधिकारी, नगरपालीका प्रमुख, उपप्रमुख लगायत अन्य निकायको प्रमुखहरुलाई आमन्त्रण गरिएको छैन भनी संयोजक गोपाल प्रधानले बताउनु भयो ।
स्थानिय निकाय भीमेश्वर नगरपालिका वडा नं. २ र समाजसेवी एवं उद्योगपती लक्ष्मण श्रेष्ठको विशेष सहयोग र दोलखावासी अनी शुभचिन्तक नेपाली दाजुभाई दिदिबहीनीहरुको आर्थिक सहयोगमा सम्पन्न हुन गईरहेको उक्त कुमारी भवन भदौको ३ गतेसम्ममा सम्पन्न भई यसैपाली नै भैरव कुमारी जात्रा निकाल्नको लागि तयारी भईरहेको भीमेश्वर नगरपालीका वार्ड नं. २ का वडाध्यक्ष विराजमान श्रेष्ठको भनाई रहेको छ ।
यसै गरी हालसम्म यस भवन बनाउनको लागि करिव ५५ लाख खर्च भईसकेको र मन्दिर पुरा तयारी हुनको लागि ७५ देखि ८० लाख रुपैया खर्च लाग्ने अनुमान गरिएको छ तर्सथ यस पुन्य धार्मीक कार्यको गर्नको लागी सहयोग प्राप्त भईसकेका दोलखावासी एवं शुभचिन्तक नेपाली दिदीबहीनी, दाजुभाईहरुलाई हार्दिक आभार व्यक्त गर्दै धन्यवाद दिनुका साथै सहयोगलाई निरन्तरता अगाडी बढाई रहेकोले ईच्छा र आकांक्षा हुने सम्पूर्ण शुभचिन्तक दाजुभाई, दिदीबहीनीमा यस सहयोग अभियानमा सहभागी भई हद्यदेखि सहयोग गर्नका लागि हार्दिक अनुरोध गरिएको समेत वडाध्यक्ष श्रेष्ठले बताउनु भयो र्।
यसरी निर्माण भईरहेको भैरव कुमारी भवन निर्माणको लागि सहयोगी मनहरुले खुल्ला हद्यले सहयोग गरिरहेको कारण र सहयोग प्राप्त भईरहेको अवस्थाका कारण उक्त भवन परम्परा र नेवारी कलात्मक ढाँचामा निर्माण गर्न सजिलो भईरहेको भनाइ राख्नु हुदै वडाध्यक्ष श्रेष्ठले अगाडी भन्नु भयो, यस भैरव कुमारी भवन निर्माण सम्पन भई सकेपछी भीमेश्वर नगरपालीका वडा नं. २ पिङ्गल स्थित अर्को भैरव कुमारी भवन र गगरलुङा स्थित नाटेश्वर भवन लगायतका जिर्ण रहेका भवन र मठ मन्दिरहरु समेत पुनः निर्माणको लागि योजना बनाउँर्दै गरेकोले यस निर्माण अभियानमा समेत अहिलेको जस्तै दोलखावासी, शुभचिन्तक नेपाली दाजुभाई, दिदी बहीनीहरुको सहयोग र सद्भावको लागि आशा अनी विश्वास गरिएको छ भनी आग्रह सहित अनुरोध गरिएको छ भनी वडाध्यक्ष श्रेष्ठले बताउनु भयो ।
