Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४४ थिंलाथ्वः १२(२७ मंसिर , २०८१) डिसेम्बर १२, २०२४ , बिहिबार, बाँपीझ्याला ।मधेश प्रदेशका धनुषा र महोत्तरी जिल्लामा भूमिगत सिँचाइ प्रणालीले किसानको जीवनमा उल्लेखनीय सुधार ल्याएको छ। भूमिगत सिँचाइको माध्यमबाट खेतमा पानी पुर्याउँदा कृषि पेसा सहज र प्रभावकारी बनेको छ। बर्दिवास–२ का किसान श्याम महतोका अनुसार, नहर र आकाशे पानीमा निर्भर रहनुपर्ने बाध्यता हटेपछि किसानहरूले खेतीसँगै दैनिक जीवनका लागि पनि पानी सहज रूपमा उपयोग गर्न थालेका छन्।
जलस्रोत तथा भूमिगत सिँचाइ विकास डिभिजन कार्यालय, महोत्तरीले धनुषा र महोत्तरीका ग्रामीण क्षेत्रमा डिप ट्युबेल र पावरड्रिल जडान गरेर सिँचाइ सुविधा पुर्याउँदै आएको छ। इञ्जिनीयर अमलेश यादवका अनुसार, एउटा डिप ट्युबेलले ४० बिघा क्षेत्रफलमा सिँचाइ सुविधा दिन्छ। हालसम्म ३५ डिप ट्युबेलको स्थापना भई १४०० बिघा जमिनमा सिँचाइ भइरहेको छ। एउटा डिप ट्युबेलको निर्माण र सञ्चालनमा एक करोडभन्दा बढी खर्च लाग्ने बताइएको छ।
यसैगरी, ५० वटा पावरड्रिल निर्माण सम्पन्न भइसकेको छ, जसले नौ बिघासम्मको क्षेत्रफलमा सिँचाइ सुविधा दिन्छ। एउटा पावरड्रिल निर्माणमा १६ लाख खर्च लाग्छ। हाल ८१ पावरड्रिल निर्माण प्रक्रियामा छन्। कार्यालय प्रमुख नयन पोखरेलका अनुसार, डिप ट्युबेल र पावरड्रिलको माध्यमबाट १८५० बिघा जमिनमा सिँचाइ भइरहेको छ।
यद्यपि, बजेट अभावले कार्यान्वयनमा समस्या आएको छ। साथै, डिप ट्युबेलका ट्रान्सफर्मर चोरीको समस्या पनि गम्भीर बनेको छ। इञ्जिनीयर यादवले ट्रान्सफर्मर चोरीको घटनाबारे पटक–पटक जानकारी गराए पनि कारबाही नहुँदा समस्या यथावत् रहेको गुनासो गरेका छन्। तामाको क्वायल रहेको ट्रान्सफर्मर चोरी हुनुका कारण सुरक्षा व्यवस्था थप मजबुत बनाउन आवश्यक देखिन्छ।
१९९७–०७७–०७८
© 2026 All right reserved to bampijhyala.com | Site By : Sobij
