Aug 21 2026 | २०८३, भाद्र ५ गते
२०८३, भाद्र ५ गते
Aug 21 2026 | २०८३, भाद्र ५ गते
बाँपीझ्याला, काठमाण्डौं । चिया तथा कफी विकास बोर्डले इलामका चिया किसानलाई चिया काट्न सिकाउने भएको छ । चिया कटिङ सिजन सुरु भएसँगै चिया किसानलाई चिया काट्ने प्रयोगात्मक तालिम दिइने भएको हो ।
चिया तथा कफी विकास बोर्डका कार्यकारी निर्देशक डा. विष्णु प्रसाद भट्टराईले कागजी प्रक्रियामा काम देखाएर चियाको विकास नहुने भन्दै प्रयोगात्मक रुपबाटै अघि बढ्न तालिम आवश्यकता रहेको बताउनु भएको छ ।
चियाको गुणस्तरको विकास गर्न र बजारीकरणको समस्या अन्त्य गर्न पहिले चियामा शुद्घिकरण गर्न आवश्यक रहेको भन्दै बोर्डले पहिलो चरणमा जिल्लाका २८ सयभन्दा बढी कृषकलाई तालिम दिन लागेको जनाएको छ ।
पुस २ गतेबाट जिल्लाका ११ ठाउँमा हुने तालिममा १५ देखि ३० जनाको समूह बनाएर तालिम आयोजन गर्ने बोर्डले जनाएको छ ।
१९९७–०७७–०७८
© 2026 All right reserved to bampijhyala.com | Site By : Sobij
