Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
११४४ तछलाथ्वः ५, पञ्चमी, मंगलबार (२९ जेठ, २०८१) बाँपिझ्याला । साक्षात भगवान दोलखा भीमेश्वरमा कलात्मक धारा निर्माण गरिएको छ । भीमेश्वर मन्दिरमा दर्शन गर्न आउनु हुने भक्तजन महानुभावहरुलाई हात धोइ सरसफाईका साथ भगवानको दर्शन गर्न यो कलात्मक धाराको निर्माण गरिएको छ भनी भीमेश्वर गुठी व्यवस्थापन समितीका अध्यक्ष भरतबहादुर श्रेष्ठले बाँपिझ्याला डटकमलाई बताउनु भयो ।
यसै गरी भगवान भिमेश्वरको नाममा भक्तजन महानुभावहरुले चढाएको घण्टी छिट्ट दोलखा शहरमा व्यवस्थापनका साथ राख्ने भएको छ । मन्दिरमा चढाएको घण्टी छरिएर रहेको अवस्थामा र भक्तजन महानुभावहरुले जहाँ पायो त्यही घण्टी झुण्ड्याउने कार्यले मन्दिरको स्वरुप सरसफाईको दृष्टिकोणले विग्रन्र्दै गएकोले घण्टी व्यवस्थापन गर्ने तयारी गरि रहेको व्यवस्थापन समितीका उपाध्यक्ष एवं निवर्तमान वडा नं. २ का अध्यक्ष युवा समाजसेवी विराजमान श्रेष्ठले बताउनु भयो ।
यसरी व्यवस्थापनको घण्टी व्यवस्थापन गर्ने सिलसिलामा दोलखा शहर प्रवेशद्वार पाखलतीदेखि भीमेश्वर मन्दिरमा घण्टी राख्ने र त्यसपछी विस्तारै भीमेश्वर मन्दिर–त्रिपुरासुन्दरी–बनारसी–चम्पूजा राखीने लक्ष्य रहेको समेत उपाध्यक्ष विराजमान श्रेष्ठले बताउनु भयो ।
१९९७–०७७–०७८
© 2026 All right reserved to bampijhyala.com | Site By : Sobij
