Aug 22 2026 | २०८३, भाद्र ६ गते
२०८३, भाद्र ६ गते
Aug 22 2026 | २०८३, भाद्र ६ गते
४ माघ, बाँपिझ्याला, काठमाण्डौं । पाकिस्तानको बलुचिस्तानमा इरानले आक्रमण गरेको दुई दिनपछि पाकिस्तानले पनि इरानमा जवाफी आक्रमण गरेको दाबी गरेको छ । पाकिस्तानको विदेश मन्त्रालयका प्रवक्ताले जारी गरेको विज्ञप्ति अनुसार यस हमलामा पाकिस्तानी सेनाले इरानमा आश्रय लिएका पाकिस्तानी मूलका आतंकवादीलाई निशाना बनाएको छ।
विज्ञप्तिमा भनिएको छ, "आज बिहान पाकिस्तानले इरानको सिस्तान-ओ-बलुचिस्तान प्रान्तमा आतंकवादीहरू बसेको स्थानहरूको पहिचान गरी आक्रमण गर्यो।" गुप्तचर सूचनाका आधारमा गरिएको ‘मार्ग बार सर्माचार’ नामक अपरेशनमा धेरै आतंककारी मारिएको दावी पाकिस्तानीको छ ।
“विगत केही वर्षमा इरानसँगको वार्तामा पाकिस्तानले आफूलाई सर्माचार भन्ने पाकिस्तानी मूलका आतंकवादीबारे इरानलाई धेरै प्रमाण दिएको थियो। तर उनीहरूले पाकिस्तानमा सर्वसाधारणको रगत बगाइरहेका छन् । “तथाकथित सर्माचारका विरुद्ध ठोस सूचनाका आधारमा पाकिस्तानले कारबाही गर्यो ।”
पाकिस्तानी विदेश मन्त्रालयले भनेको छ, “पाकिस्तान हरेक खतराबाट आफ्नो राष्ट्रिय सुरक्षाको रक्षा गर्न प्रतिबद्ध छ। पाकिस्तानले भविष्यमा पनि आफ्नो सुरक्षाका लागि यस्ता कदमहरू जारी राख्नेछ। मंगलबार पाकिस्तानको बलुचिस्तानमा इरानले आक्रमण गरेको थियो । इरानले आफ्नो देशमा लगातार आतंकवादी घटनाहरू गरिरहेको जैश अल-अदल नामक संगठनलाई निशाना बनाएको जनाएको छ।
पाकिस्तानले इरानको आक्रमणप्रति कडा आपत्ति जनाएको थियो र दुई देशबीचको सम्बन्धमा तनाव उत्पन्न भएको थियो। पाकिस्तानले यी आक्रमणको जवाफमा कारबाही गर्ने अधिकार पाकिस्तानसँग रहेको बताएको थियो। उसले इरानबाट राजदूतलाई पनि फिर्ता बोलाएको छ ।
१९९७–०७७–०७८
© 2026 All right reserved to bampijhyala.com | Site By : Sobij
