Aug 22 2026 | २०८३, भाद्र ६ गते
२०८३, भाद्र ६ गते
Aug 22 2026 | २०८३, भाद्र ६ गते
आइतबार परेको असिनापानीले पोखरामा करोडौं रुपैयाँ बराबरको कृषिजन्य उत्पादन र वस्तु नष्ट भएको छ । पोखरा महानगरपालिका कृषि तथा पशु विकास महाशाखाका अनुसार असिनापानीले ११ करोड रुपैयाँ बराबरको क्षति भएको हो ।
महाशाखाले पोखरा महानगरपालिकाका ९, ११, १३ र १८ वटामा सबैभन्दा धेरै क्षति भएको जनाएको छ । यस्तै, यी वडाबाहेक अन्य वडामा समेत क्षति भएको महाशाखाले जानकारी दिएको छ । ती वडामा लगाइएका तरकारी, नगदे वाली, फलफूल र तोरी तथा आलु लगायतका कृषिजन्य उत्पादन नष्ट भएको छ । यस्तै, तरकारी खेतीका लागि लगाइएका टनेल समेत असिनाले भत्काएको महाशाखाले जनाएको छ ।
यसै गरी, असिनाले कुटेर पोखरा महानगरका वडा नम्बर ११ का कृषक फलमान गुरुङको दुई वटा भैँसी समेत मरेको जनाइएको छ । पोखराका ३८ वडामध्ये २ हजार १८१ हेक्टर क्षेत्रफलमा कृषि खेती हुँदै आएको छ । आइतबार परेको असिनापानीले सडक अवरुद्ध गरेपछि त्यसलाई हटाउन डोजरको प्रयोग गर्नुपरेको थियो ।
१९९७–०७७–०७८
© 2026 All right reserved to bampijhyala.com | Site By : Sobij
