Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
गजल १
मन हो कहिले हावामा उड्न खोज्छ,
मन हो कहिले भावमा डुब्न खोज्छ ।
गाडीको ती गति जस्तै कहिले तीव्र भै,
मन हो कहिले आडमा झुक्न खोज्छ ।
फूल झैं सुवास दिंदै फक्रिन खोज्दा,
मन हो कहिले रापमा दुख्न खोज्छ ।
जीवनमा माया अपरिहार्यता त नै हो,
मन हो कहिले घातमा फुट्न खोज्छ ।
प्रेममा शंका गर्नु भन्छन् गलत हो अरे,
मन हो कहिले -सोचमा कुद्न खोज्छ ।
गजल -२
………
हरेक साँझमा जून उदाए जस्तै,
हर बिहानी शीत टल्काए जस्तै ।
देखिन्छ सुन्दर हृदयको छायाँ,
हर मन्दिरमा फूल चढाए जस्तै ।
मनमा रुप जब छाउँछ कसैको,
हर कदममा बल लगाए जस्तै ।
हुनसक्छ यसमा प्रेम आभास.
नजरले हेरि दिल छुवाए जस्तै ।
अदृश्य जब हुन्छ कुनैपनि बेला,
विचलित हुन्छ मुटु चुँडाए जस्तै ।
गजल - ३ जनताको मन जित्नु छ त आफू नहार्ने गरि बोल,
जनमतको मत लिनु छ त जन नबाँड्ने गरि बोल ।
खोला पनि बग्दैन एकनासले साउन नै भए पनि,
लोकको सामु टिक्नु छ त क्रोध नपाक्ने गरि बोल ।
फूल त्यसै झर्दैन अकश्मात् हिउँदको हूरी नआए,
देउताको फल मिल्नु छ पाk नढाल्ने गरि बोल ।
संकट टर्दैन कतैबाट जब साँढेसाते दशा नै लागे,
इज्जत सित मर्नु छ आफन्त नभाँच्ने गरि बोल ।
-बालकृष्ण पासा
१९९७–०७७–०७८
© 2026 All right reserved to bampijhyala.com | Site By : Sobij
