धान रोपाइँको चटारोमा चितवनमा १५ दिनमै ९६९ मेट्रिक टन मल बिक्री

नेपाल सम्वत् ११४६, दिल्लाथ्वः२ द्वितिया (३२ अषाढ, २०८३, १६ जुलाई, २०२६) बिहीबार, बाँपिझ्याला । धान रोपाइँको मुख्य याम सुरु भएसँगै चितवनमा रासायनिक मलको वितरणलाई तीव्र पारिएको छ। कृषि सामग्री कम्पनी लिमिटेड, भरतपुर शाखाले जिल्लाभरका सूचीकृत सहकारीमार्फत अनलाइन प्रणालीबाट मल वितरण गर्दै पछिल्लो १५ दिनमै ९६९.१७५ मेट्रिक टन रासायनिक मल बिक्री गरेको जनाएको छ।

शाखा प्रमुख राजन बगालेका अनुसार उक्त अवधिमा ६६८.२०० मेट्रिक टन युरिया, २०१.८०० मेट्रिक टन डिएपी र ९९.१७५ मेट्रिक टन पोटास किसानलाई उपलब्ध गराइएको हो। हाल जिल्लाका २७८ सूचीकृत सहकारीमार्फत अनलाइन प्रणालीबाट मल वितरण भइरहेको उहाँले जानकारी दिनुभयो।

उहाँका अनुसार अनलाइन प्रणाली लागू भएपछि वितरण प्रक्रिया थप व्यवस्थित, पारदर्शी र प्रभावकारी बनेको छ। कुन सहकारीले कति मल बिक्री गर्यो, कति मौज्दात बाँकी छ भन्ने विवरण प्रणालीमै देखिने भएकाले अनियमितताको सम्भावना न्यून भएको र सहकारीहरूले दैनिक रूपमा विवरण अद्यावधिक गर्नुपर्ने व्यवस्था गरिएको उहाँले बताउनुभयो।

कार्यालयको तथ्याङ्कअनुसार सबैभन्दा बढी मल भरतपुर महानगरपालिकामा वितरण गरिएको छ। त्यहाँ २३९.१५० मेट्रिक टन युरिया, १९७.०५० मेट्रिक टन डिएपी र २२.२२५ मेट्रिक टन पोटास बिक्री भएको छ। माडी, खैरहनी, रत्ननगर, राप्ती, कालिका तथा इच्छाकामना क्षेत्रका किसानलाई पनि आवश्यकताअनुसार मल उपलब्ध गराइएको कम्पनीले जनाएको छ।

यस्तै, आपत्कालीन तथा विशेष आवश्यकताका लागि छुट्याइएको ‘बफर’ मौज्दातबाट ८.२०० मेट्रिक टन युरिया र ४.०५० मेट्रिक टन डिएपी वितरण गरिएको छ।

कम्पनीका अनुसार धान रोपाइँको मुख्य सिजनमा चितवन जिल्लाभर करिब २,५०० देखि ३,००० मेट्रिक टन रासायनिक मलको माग रहने अनुमान गरिएको छ। सोहीअनुसार पर्याप्त मौज्दात व्यवस्थापन गरी किसानलाई सहज रूपमा मल उपलब्ध गराउने तयारी गरिएको कम्पनीले जनाएको छ।

धान रोपाइँको चटारोमा चितवनमा १५ दिनमै ९६९ मेट्रिक टन मल बिक्री

धान रोपाइँको चटारोमा चितवनमा १५ दिनमै ९६९ मेट्रिक टन मल बिक्री

प्रतिक्रिया दिनुहोस्

ताजा अपडेट

भारतीय स्थल सेनाध्यक्ष सेठ चार दिने नेपाल भ्रमण सकेर स्वदेश फर्किए

Karnali Chief Minister Expands Cabinet, UML Joins Government with Three Ministers

UN Rights Chief Urges Zambia to End Arbitrary Arrests

Balen Signs Performance Deals with Ministers

विवाहको उमेर २० वर्ष नै कायम राख्न सरोकारवालाको जोड

सम्बन्धित समाचार

भारतीय स्थल सेनाध्यक्ष सेठ चार दिने नेपाल भ्रमण सकेर स्वदेश फर्किए

विवाहको उमेर २० वर्ष नै कायम राख्न सरोकारवालाको जोड

प्रधानमन्त्री बालेनसँग मन्त्रीहरूको कार्यसम्पादन सम्झौता

भेरी नदीमा जिप दुर्घटनापछि बेपत्ता हेमराजको शव सात दिनपछि फेला

सम्पर्क

हाम्रो टिम

महत्त्वपूर्ण लिङ्कहरू

उपयोगी लिंकहरु

धान रोपाइँको चटारोमा चितवनमा १५ दिनमै ९६९ मेट्रिक टन मल बिक्री

धान रोपाइँको चटारोमा चितवनमा १५ दिनमै ९६९ मेट्रिक टन मल बिक्री

प्रतिक्रिया दिनुहोस्

ताजा अपडेट

सम्बन्धित समाचार

सूचना विभाग दर्ता नं.

सम्पर्क

हाम्रो टिम

महत्त्वपूर्ण लिङ्कहरू

उपयोगी लिंकहरु

सर्च गर्नुहोस्