Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४६, तछलाथ्वः ९ नवमी ९९ अषाढ, २०८३, २३ जुन, २०२६० मंगलबार, बाँपिझ्याला । दोलखा स्वास्थ्य चौकी, भीमेश्वर नगरपालिका–२, दोलखामा सुनौला हजार दिनभित्रका बालबालिकाको पोषण अवस्था सुधार गर्ने उद्देश्यले पोषण सामग्री वितरण कार्यक्रम सम्पन्न गरिएको छ।
भीमेश्वर नगरपालिका भीमेश्वर नगरपालिका वडा नं. २ को आर्थिक वर्ष २०८२/८३ को विनियोजित बजेट अन्तर्गत सञ्चालन गरिएको यस कार्यक्रमको आयोजना आज २०८३ साल असार ९ गते गरिएको हो। कार्यक्रममा स्थानीय तहले मातृ तथा शिशु स्वास्थ्य सुधारलाई प्राथमिकतामा राख्दै लक्षित समूहका परिवारलाई पोषण सहायता सामग्री उपलब्ध गराएको हो।
कार्यक्रममा भीमेश्वर नगरपालिकाकी उपप्रमुख कमला बस्नेत र वडा नं. २ का अध्यक्ष स्टालिन श्रेष्ठको उपस्थिति रहेको थियो। उनीहरूले संयुक्त रूपमा पोषण सामग्री वितरण गर्दै बालबालिकाको प्रारम्भिक विकास चरण अत्यन्त महत्वपूर्ण हुने भएकाले यस्तो कार्यक्रमले दीर्घकालीन रूपमा स्वास्थ्य सुधारमा सहयोग पुग्ने बताएका थिए।
स्वास्थ्यकर्मीका अनुसार सुनौला हजार दिनको अवधिमा उचित पोषण नपाउँदा बालबालिकामा कुपोषण, वृद्धि अवरोध र रोग प्रतिरोधात्मक क्षमतामा कमी जस्ता समस्या देखिन सक्ने भएकाले यस्ता कार्यक्रमहरू अत्यन्त आवश्यक मानिन्छन्। त्यसैले स्थानीय तहले नियमित रूपमा गर्भवती महिला तथा शिशुका आमाहरूलाई लक्षित गरी पोषण सम्बन्धी सचेतना र सामग्री वितरण गर्दै आएको छ।
स्थानीयवासीहरूले पनि यस्तो कार्यक्रमले आर्थिक रूपमा कमजोर परिवारलाई ठूलो राहत पुगेको प्रतिक्रिया दिएका छन्। उनीहरूले निरन्तरता पाएको खण्डमा बालबालिकाको स्वास्थ्य सुधारमा ठोस परिणाम देखिने विश्वास व्यक्त गरेका छन्।
कार्यक्रमलाई स्थानीय सरकारको स्वास्थ्य तथा सामाजिक विकास कार्यक्रमको एक महत्वपूर्ण भागका रूपमा लिइएको छ।
१९९७–०७७–०७८
© 2026 All right reserved to bampijhyala.com | Site By : Sobij
