Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४६, अनलाथ्वः ३ तृर्तिया (५ जेष्ठ, २०८३, १९ मे, २०२६) मंगलबार, बाँपिझ्याला । स्पेनको राष्ट्रिय उच्च अदालतले कोलम्बियन गायिका शाकिरा सम्बन्धी कर विवादमा कर प्रशासनलाई गलत रूपमा असुल गरिएको रकम फिर्ता गर्न आदेश दिएको छ। अदालतले कर एजेन्सीलाई करिब ५ करोड ५० लाख युरो ब्याजसहित शाकिरालाई फिर्ता गर्न निर्देशन दिएको हो।
अदालतले सन् २०११ का लागि शाकिरा स्पेनको कर निवासी भएको ठोस प्रमाण कर अधिकारीहरूले प्रस्तुत गर्न नसकेको निष्कर्ष निकालेको छ। स्पेनमा व्यक्तिगत आयकर तिर्नका लागि कुनै व्यक्तिले कम्तीमा १८३ दिन देशमा बसेको हुनुपर्ने कानुनी व्यवस्था रहेको छ। अदालतका अनुसार शाकिराले सो वर्षमा १६३ दिन मात्र स्पेनमा बिताएकी थिइन्, जुन कानुनी सीमाभन्दा कम हो।
फिर्ता गर्नुपर्ने रकममा करिब २ करोड ४० लाख युरो आयकर र २ करोड ५० लाख युरो जरिवाना समावेश रहेको बताइएको छ। यद्यपि कर एजेन्सीले यो निर्णयविरुद्ध सर्वोच्च अदालतमा पुनरावेदन गर्ने जनाएको छ।
अदालतको फैसलापछि शाकिराले विगतका वर्षहरूमा आफूले भोगेको मानसिक तनाव र प्रतिष्ठामाथि भएको असरबारे टिप्पणी गर्दै अन्ततः सत्य बाहिर आएको बताएकी छिन्। यसअघि पनि उनी स्पेनमा कर सम्बन्धी अन्य मुद्दामा संलग्न रहेकी थिइन्, जसमा केही मुद्दा मिलापत्रमार्फत टुंगिएको थियो।
१९९७–०७७–०७८
© 2026 All right reserved to bampijhyala.com | Site By : Sobij
