Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४६ (२६ चैत्र, २०८२, ९ अप्रिल, २०२६) बाँपिझ्याला । नेपाल सरकारले संयुक्त राज्य अमेरिका र इस्लामिक गणतन्त्र इरानबीच दुई साताका लागि भएको युद्धविराम सम्झौताको स्वागत गरेको छ। परराष्ट्र मन्त्रालयले बुधबार जारी गरेको प्रेस विज्ञप्तिमा पश्चिम एसियामा बढ्दो तनाव कम गर्न यस सहमतिलाई सकारात्मक र महत्त्वपूर्ण कदमका रूपमा व्याख्या गरेको छ।
मन्त्रालयका अनुसार, उक्त युद्धविरामले आपसी मतभेदहरूलाई संवाद, कूटनीति र शान्तिपूर्ण माध्यमबाट समाधान गर्ने नयाँ अवसर सिर्जना गरेको छ। नेपालले यसलाई क्षेत्रीय शान्ति र स्थायित्व प्रवर्द्धनतर्फको महत्वपूर्ण पहल मान्दै कुनै पनि विवादको दीर्घकालीन समाधान शान्तिपूर्ण वार्ताबाटै हुनुपर्नेमा जोड दिएको छ।
विज्ञप्तिमा द्वन्द्वका कारण सर्वसाधारणमा परेको मानवीय प्रभावप्रति गम्भीर चिन्ता व्यक्त गर्दै नागरिकको सुरक्षा र हितलाई उच्च प्राथमिकता दिनुपर्ने आवश्यकता औँल्याइएको छ। साथै, क्षेत्रीय तथा विश्वव्यापी रूपमा दिगो शान्ति स्थापना गर्न अन्तर्राष्ट्रिय समुदायले गरिरहेका प्रयासहरूमा नेपालको पूर्ण समर्थन रहने प्रतिबद्धता समेत व्यक्त गरिएको छ।
१९९७–०७७–०७८
© 2026 All right reserved to bampijhyala.com | Site By : Sobij
