Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४६, चिल्लागाः ६ पञ्चमी (२५ फागुण, २०८२, ९ मार्च, २०२६) सोमबार, बाँपिझ्याला । भारतका प्रधानमन्त्री नरेन्द्र मोदी ले हालैको प्रतिनिधिसभा निर्वाचन र काठमाडौं महानगरपालिकाको नेतृत्व परिवर्तनमा बधाई दिन नेपालका दुई प्रभावशाली नेता, रवि लामीछाने र बालेन शाह लाई टेलिफोन गरेको छ।
राष्ट्रिय स्वतन्त्र पार्टी (रास्वपा) को ऐतिहासिक सफलता र काठमाडौं महानगरपालिकामा बालेन शाहको नेतृत्वमा आएको परिवर्तनका बीच मोदीले नेपालमा लोकतान्त्रिक प्रक्रियाबाट आएको जनादेशको सम्मान व्यक्त गरेका छन्। मोदीले रवि लामिछानेलाई फोनमा बधाई तथा शुभकामना व्यक्त गर्दै नयाँ सरकारसँग सहकार्य गरेर नेपाल–भारत सम्बन्धलाई अझ सुदृढ बनाउन आफ्नो इच्छाशक्ति दोहोर्याएका छन्।
त्यसैगरी, मोदीले काठमाडौंका मेयर बालेन शाहलाई पनि फोन गरेर शहरी विकास, सुशासन र जनहितका पहलहरूमा देखाएको सक्रियता प्रशंसा गरेका छन्। उनले आगामी दिनमा सफल कार्यकालको शुभकामना दिएका छन्।
विश्लेषकहरूले मोदीको फोनलाई नेपाल–भारत सम्बन्धमा नयाँ राजनीतिक समीकरण र सहकार्यको संकेतका रूपमा व्याख्या गरेका छन्। भारतले नेपालको नयाँ राजनीतिक नेतृत्वसँग प्रत्यक्ष संवाद राख्नुको अर्थ दुई देशबीच आर्थिक, सामाजिक तथा सांस्कृतिक सम्बन्ध अझ सुदृढ गर्न चाहनु रहेको देखिन्छ।
राजनीतिक वृत्तका अनुसार, मोदीको यस प्रकारको पहलले नेपालको नयाँ नेतृत्वसँग द्विपक्षीय सम्बन्ध सुमधुर राख्ने प्रयासमा सकारात्मक भूमिका खेल्ने अपेक्षा गरिएको छ। यो संवाद नेपाली राजनीतिको नयाँ युगमा भारतको चासो र सहयोगको स्पष्ट संकेतको रूपमा लिइएको छ।
१९९७–०७७–०७८
© 2026 All right reserved to bampijhyala.com | Site By : Sobij
