Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४६, चिल्लाथ्वः २, द्धितीया (७ फागुण, २०८२, १९ फ्रेब्रुअरी, २०२६) बिहीबार, बाँपिझ्याला । बंगलादेशको प्रधानमन्त्री बनेपछि बुधबार बेलुका पहिलोपटक राष्ट्रलाई सम्बोधन गरेका छन्।
उनको सम्बोधन बंगलादेशको सरकारी टेलिभिजन च्यानल Bangladesh Television (बीटीभी) र Bangladesh Betarबाट स्थानीय समयअनुसार राति ९:४५ बजे प्रत्यक्ष प्रसारण गरिएको थियो।
BBC Banglaका अनुसार प्रधानमन्त्री रहमानले रमजानको समयमा उपभोग्य वस्तुको मूल्य उचित राख्न व्यवसायीहरूलाई निर्देशन दिएका छन्।
सम्बोधनका क्रममा उनले देशमा कानुनी व्यवस्था सुधार तथा भ्रष्टाचार नियन्त्रणलाई सरकारको मुख्य प्राथमिकता बनाइने बताए। उनले भने, “फासीवादी युगबाट भ्रष्टाचार र कुशासनका कारण अस्थिर अर्थतन्त्र, कमजोर शासन र बिग्रँदै गएको कानुन व्यवस्थाको अवस्थाबीच नयाँ सरकारले आफ्नो यात्रा सुरु गरेको छ। हाम्रो सरकारको प्रमुख लक्ष्य कानुनी व्यवस्था सुदृढ बनाउँदै भ्रष्टाचारलाई कडाइका साथ नियन्त्रण गर्नु र जनतामा शान्ति तथा सुरक्षा पुनर्स्थापित गर्नु हो।”
प्रधानमन्त्री रहमानले देशमा सक्रिय सबै गिरोह तथा माफिया समूहहरूलाई नियन्त्रण गर्ने प्रतिबद्धतासमेत व्यक्त गरे। उनले भने, “हामीले हजारौँ जीवनको मूल्यमा माफिया गिरोहहरूलाई हटाएका छौँ र राष्ट्र, सरकार तथा जनताको अधिकार स्थापित गर्ने प्रतिबद्धतासाथ देश चलाउने जिम्मेवारी लिएका छौँ।”
उनले थपे, “Bangladesh Nationalist Party (बीएनपी) नेतृत्वको सरकार सबै क्षेत्रमा देखिएका अराजकता र अनियमितताका गिरोहहरूलाई हटाउन दृढ छ।”
१९९७–०७७–०७८
© 2026 All right reserved to bampijhyala.com | Site By : Sobij
