Aug 19 2026 | २०८३, भाद्र ३ गते
२०८३, भाद्र ३ गते
Aug 19 2026 | २०८३, भाद्र ३ गते
नेपाल सम्वत् ११४६, सिल्लाथ्व ५, पञ्चमी (९ माघ, २०८२, २३ जनवरी, २०२६) शुक्रबार, बाँपिझ्याला, दोलखा । आज बसन्त पञ्चमी अर्थात श्री पञ्चमी को पावन अवसरमा प्राचिन शहरका स्थानिय दोलखावासीको आयोजनमा बनभोज सम्पन्न गरिएको छ ।
भीमेश्वर नगरपालीका वडा नं. २ मनेश्वरी स्थित सरस्वती मन्दिरसँग जोडिएको दोलखावासी ऐतिहासिक परम्परागत बनभोज आजबाट पुनः जिवीत भएको छ ।
परापूर्वकालदेखि संचालनमा आएको यस बनभोज केही बर्ष अगाडीदेखि बन्द भएको भएपनी यस बर्षदेखि मनेश्वरी तिलिन्चोकमा पुर्खाहरू बनभोजले पुनः जीवित भएको दोलखाका युवा समाजसेवी व्यवसायी अजय प्रधान बताउनु हुन्छ ।
नेवार जातीकोे उद्गमस्थल भन्ने मान्यता रहेको दोलखाका नेवार समुदायले आफ्ना पुर्खाले आर्जेको कला, संस्कृति र परम्पराको जगेर्ना गर्दै पुनः अघि बढेको समेत समेत समाजसेवी प्रधानले बताउनु भयो ।
श्री स्वस्थानी ब्रतकथा संगै बिहान बिहान माधवनारायणको भजन किर्तनमा सहभागी दोलखाली दाजुभाई, दिदीबहीनीहरुको विशेष सहभागीतामा सम्पन्न उक्त बनभोजको आफ्नै मौलिकता र परम्परा रहेको संस्कृती प्रेमी भगवानदास श्रेष्ठ बताउनु हुन्छ । बनभोज संगै स्थानिय वासिन्दाहरुले नाचगाज गरी भव्य रुपमा मनाएको उहाँले बताउनु भयो ।
साथै यस कार्यको लागि श्री स्वस्थनी ब्रतकथाको प्रारम्भ संगै माधवनारायणको भजन किर्जनको शुरुसंगै हालसम्म निरन्तर प्रत्यक्ष प्रसारणमा सहयोग गरिरहेको बाँपिझ्याला डटकम र सह–सम्पादकको युवा समाजसेवी अजय प्रधानको विशेष संयोजनले दोलखावासीहरुको सहयोग र अपार माया पाएकोमा खुसी व्यक्त गर्नु हुदै हार्दिक आभार व्यक्त गर्नु भएको छ ।
यसै गरी पुर्खाको चिनो, दोलखाको पहिचान जोगाइराख्न निरन्तर लागिपरेका सम्पूर्ण दोलखाबासीप्रति हार्दिक कृतज्ञता व्यक्त गर्नु भएको छ ।
१९९७–०७७–०७८
© 2026 All right reserved to bampijhyala.com | Site By : Sobij
