Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४५, कौलाथ्वः ५ पञ्चमी, (११ असोज, २०८२, २७ सेप्टेम्वर, २०२५) शनिवार, बाँपिझ्याला । सलमान खानले होस्ट गर्ने चर्चित भारतीय टिभी रियालिटी शो ’बिग बोस १९’, झगडा, नाटक र विवादका लागि परिचित छ ।
यो शोलाई लिएर नयाँ खबर छ । शोले कानूनी समस्या झेल्नुपरेको छ, किनभने निर्माताले दुई गीतलाई अनुमति बिना प्रयोग गरेको आरोप छ । ती गीत हुन्– कट्रिना कैफको ‘चिकनी चमेली’ र इमरान खानको ‘धत्त तेरी की’ ।
मिड-डे इन्डियाका अनुसार फोनोग्राफिक पर्फर्मेन्स लिमिटेड (पीपीएल) ले बिग बोस १९ का निर्मातालाई कानुनी सूचना पठाएको छ, जसमा शोका एपिसोडसँग छेडछाड गरेको उल्लेख गरिएको छ ।
यी गीतहरू सेप्टेम्बर ३ मा प्रसारित एपिसोड ११ मा प्रयोग गरिएको थियो । पीपीएल इन्डियाले रियालिटी शोलाई समर्थन गर्ने एन्डेमोल शाइन इन्डियालाई अनिवार्य सार्वजनिक प्रदर्शन इजाजतपत्र प्राप्त नगरी यी ध्वनि रेकर्डिङहरू प्रयोग गरेको आरोप लगाएको छ ।
सेप्टेम्बर १९ मा जारी गरिएको सूचना वकिल हितेन अजय वासनले दिएका थिए र यसमा प्रोडक्सन हाउसका निर्देशकहरू– थोमस गौसेट, निकोलस चाजरैन र दीपक धरलाई जिम्मेवार भनिएको थियो ।
कानुनी टोलीको एक स्रोतले भन्यो, ’दुबै गीतहरू सोनी म्युजिक इन्टरटेनमेन्ट इन्डियालाई इजाजतपत्र दिइएको छ, जुन ४५० भन्दा बढी संगीत लेबलहरू मध्ये एक हो ।’ पीपीएलको तर्क छ कि एन्डेमोल शाइन इन्डियाले प्रतिलिपि अधिकार ऐन १९५७ को धारा ३० अन्तर्गत इजाजतपत्र प्राप्त नगरेको हुनाले, यो प्रयोग ’जानाजानी उल्लङ्घन’ हो ।
संस्थाले कार्यक्रमका निर्मातालाई २ करोड भारु क्षतिपूर्ति र आवश्यक इजाजतपत्र शुल्क तिर्न आग्रह गरेको छ । अनुमति बिना यसको धुन रेकर्डिङ प्रयोग नगर्न पनि सूचना जारी गरेको छ । एन्डेमोल शाइन इन्डिया र स्ट्रिमिङ प्लेटफर्म जियोहटस्टारले यस समाचारमा अहिलेसम्म कुनै टिप्पणी गरेका छैनन् ।
१९९७–०७७–०७८
© 2026 All right reserved to bampijhyala.com | Site By : Sobij
