Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४५ यंलागा १४ (४ असोज, २०८२, २० सेप्टेम्वर, २०२५) शनिवार, बाँपिझ्याला । दशैंको फूलपातीमा प्रदर्शन तयारीमा रहेको फिल्म ‘हरिबहादुरको जुत्ता’को ट्रेलर सार्वजनिक भएको छ । ३ मिनेट १२ सेकेन्डको ट्रेलरले फिल्मको कथावस्तु, चरित्र चित्रण र अन्य आयामलाई दर्शाउने प्रयास गरेको छ ।
ट्रेलरमा हरिबहादुरको भूमिकामा देखिएका अभिनेता हरिवंश आचार्यको परिवार, जीवन र उसको रोचक किस्सालाई समेटिएको छ ।
दीपेन्द्र के खनाल निर्देशित फिल्ममा प्रकाश सपुत, स्वस्तिमा खड्का, प्रियंका कार्की, हरिहर शर्मा, दिव्यदेव पन्त, किरण केसी, राजाराम पौडेल, दिनेश काफ्ले, सीता न्यौपाने, कमलमणि नेपालको पनि अभिनय छ ।
महसंचारको सिरिज ‘हरिबहादुर मदनबहादुर’को पात्र उठान गर्दै निर्देशकले उक्त पात्र अहिलेको सन्दर्भमा कसरी प्रस्तुत हुन्छ भन्ने कथावस्तु यसमा छ । दर्शकले हरिबहादुरको पात्रमा इमोसन र कमेडी दुबै तत्व पाउन सक्छन् ।
एसएम मोसन पिक्चर्सको ब्यानरमा निर्माण भएको फिल्मलाई सरोज ओली र मोहितवंश आचार्यले निर्माण गरेका छन् । कृष्णबहादुर थापाले खिचेको फिल्मलाई नहकुल खड्काले सम्पादन गरेका छन् ।
वसन्त सापकोटा, दीपक शर्मा र प्रकाश सपुतको संगीत रहेको फिल्ममा आशिष अविरल, समिक्षा अधिकारी, मोहितवंश आचार्य, समिर खरेल र सज्जा चौलागाईंको स्वर सुन्न सकिन्छ ।
फिल्म ‘हरिबहादुरको जुत्ता’ दशैँको फूलपाती अवसरमा असोज १३ देखि नेपाल र अन्तर्राष्ट्रिय बजारमा प्रदर्शनमा आउँदैछ ।
१९९७–०७७–०७८
© 2026 All right reserved to bampijhyala.com | Site By : Sobij
