भैरव कुमारी जात्रा शिवभक्ती परिवार युवा पुस्तामा हस्तान्तरण आकर्षण 

नेपाल सम्वत् ११४५, गुलागा ७ सप्तमी (३१ श्रावण, २०८२, १६ अगष्ठ, २०२५) शनिवार, बाँपीझ्याला, दोलखा ।  प्राचिन शहर दोलखाम मनाईने जात्रापर्व मध्ये आफ्नै मौलिक महत्व रहेको भैरब कुमारी जात्रा आजदेखि सम्पन्न भएको छ । यस बर्ष यही साउन २६ गते सोमबार द्वितियादेखि शुरु भई आज ३० गते षष्ठीको दिन सम्पन्न भएको छ ।

यसरी सम्पन्न भएको भैरवकुमारी जात्रामा शिवभक्ती परिवारमा युवा पुस्तामा हस्तान्तरण आकर्षण देखिएको छ । जसले गर्दा यस बर्षको भैरबकुमारी जात्रा हर्सोउत्साहका साथ सम्पन्न गर्न गुठीयारहरु सफल भएका छन् ।

शिवभक्ती परिवारबाट भैरबकुमारी जात्रामा सहभागी मध्येका २ जना बच्चाको नृत्य आकर्षण देखिएको छ । सहभागी शिवभक्ती युवाहरुमा डिसन शिवभक्ती, दिलिप शिवभक्ती, सकुन शिवभक्ती, राम शिवभक्ती, सुकदेव शिवभक्ती, हरिकृष्ण शिवभक्ती, शिवशंकर शिवभक्ती, सिंह शिवभक्ती, बासुदेव शिवभक्ती, राजकुमार शिवभक्ती, वीर बहादुर शिवभक्ती र सर्मे शिवभक्ती रहेका छन् । यी युवा पुस्ता यही जात्रा संचालनको लागि उपत्यका लगायत देशका अन्यत्र पेशा, व्यवसायलाई र रोजगारीलाई जात्रा अवधीभर थातीमा राखी दोलखा आई जात्रा संचालनमा सक्रिय रुपमा सहभागी रहेका हुन्छ ।

यसै गरी केही शिवभक्ती परिवार दोलखा स्थानिय रुपमा बसोबास गर्ने गरेको भएतापनी अन्य पेशा व्यवसाय छोडेर ५ दिन जात्रा संचालनमा सक्रिय सहभागी हुने गर्दछन् । जसको कारणले दोलखामा भैरबकुमारी जात्रा संचालनमा थप सहयोग पुगेको भीमेश्वर नगरपालीका वडा नं. २ का अध्यक्ष स्टालिन श्रेष्ठको भनाई रहेको छ ।

यसै गरी यसवर्षदेखि नयाँ गुभाजु बिष्णुभक्त श्रेष्ठको परिवारको आगमन भएको छ । जसमा जेष्ठ सुपुत्र रामभक्त श्रेष्ठले सक्रियताका साथ सहभागी भएको कारणले जात्रा संचालनमा थप सहयोग पुगेको वडाध्यक्ष श्रेष्ठले बताउनु भयो ।

विशेष गरी नेवाः जातीको बसोबास रहेको यस दोलखा शहर हालको नगरमा बिभिन्न चाडपर्व, जात्रामात्राहरु मनाउने गरेका छन । जस्ले नेवाः जातीको पहिचान कायम गर्नुका साथै नेपालको साँस्कृतीक क्षेत्रमा ईज्जत र गौरव बढाउन मद्धत गरेको छ ।

बर्षा मौसममा रात्रीकालीन समयमा निकालिने भैरब कुमारी जात्रा देशको कुनै पनि भागमा नभएको यस जात्राको छुट्टै मौलिक विशेषता र परम्परा रहेको छ । समृद्ध दोलखा शहर हालको नगरको महत्वपूर्ण जात्राहरु मध्ये गाईजात्राको भोली पल्ट बेलुकी द्धितिया देखि षष्ठिसम्म लगातार ५ दिन (बेलुकी) सम्म जात्रा निकाली बिधिपूर्वक मनाईने भैरब र कुमारी (बालकुमारी) जात्राको नामबाट संचालन भएको पाईन्छ । https://bampijhyala.com/content/101709