Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४५, कछलागाः १४, चतुर्दशी, (१५ मंसिर, २०८१, ३० नोभेम्वर, २०२४) शनिवार, बाँपिझ्याला, येँ । द्वाल्खा गुठीन् स्वःनिग चोङन ययनदिउ द्वाल्खामी व थि थि खलकपे प्रतिनिधीपे दातीकु गुठीय लुँ दँ ङाकेईरीय ज्य खँय बारेकु किम्ची रेष्टुरेण्ट अनामनगरकु छलफल ज्य खँ धोन्केर्जु ।
गुठीय् नायः भाजु विनोद मास्केय नायःत्कु हिल्गु आम ज्यखँ गुठीय हाखेनय नायः जेष्ठ नागरिक समाजसेवी भाजु कृष्ण प्रसाद मास्केय मुल आतिथ्यताकु सम्पन्न जुर । ईथितु आमु ज्य खँकु द्वाल्खा गुठीय हाखेनय दुजपेन भाजु भल्ला मास्के, व्यवसायी भाजु श्यामकृष्ण प्रधान, गुठीय सल्लाहकार भाजु डा. हरिदर्शन श्रेष्ठ, भाजु प्रा. अमन श्रेष्ठ व डा. रमेश प्रधान जायन दिएन चोङन दिउतन् ।
आन्थितु संघ संस्थाखेन्नलान् कालिञ्चोक युवा क्लवय नायः ल्यास्मा समाजसेवी भाजु अनिलचन्द्र श्रेष्ठ, द्वाल्खा म्यास्मुचा खलकय नायः मयजु विश्वलक्ष्मी श्रेष्ठ, पाखलती सहयोग समितीय नायः वकिल भाजु श्यामकृष्ण मास्के, छिजि द्वाल्खा डोबरय नायः मयजु रिना चाकुबजी, पत्रकार भाजु बालकृष्ण श्रेष्ठ, ल्यास्मा समाजसेवी भाजु रोशन चाकुबजी, ल्यास्मा म्ये हल्गु भाजु दिपक स्वप्नील श्रेष्ठ व ल्यास्मा व्यवसायी भाजु किरण मास्के जायन दिएन चोङन दिउजु ।
छलफल ज्य खँकु गुठीय लुँ गिथी ङाकेईरी ? आमे लागिन् ढ्यावा गिथी ग्वारमुईरी ? छिजीन हाती यरी फरगु ? हङ सोगुर येस्कु दोखुनु ब्व कायनदिउ भाजु मयजु पिसिन् थउ थउ विचार प्वन्के दिरहिन् । आथिन्तु लुँ स्वःनिगकु यर्सङ मुल ज्य खँ द्वाल्खाकुतु यरीमल्गु व लुँदँ मुल आयोजक समिती गठन यरीमल्गु खँय बारेकु गत्केङ छलफल जुर ।
नेपाल सम्वत् १०९५ ( वि.सं. २०३१) कु स्वःनिगु चोन्द ययन दिउ द्वाल्खावासीन् थापना यङ द्वाल्खा गुठीन् नेपाल सम्वत् ११०५ (वि.सं. २०४१) कु जुकुन जिल्ला प्रशासन कार्यालय ज्यकुठीकु विधिवत दर्ता जुउ खेउ ।
१९९७–०७७–०७८
© 2026 All right reserved to bampijhyala.com | Site By : Sobij
