Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
थनुय समचार :
नेपाल सम्वत् ११४४, दिल्लागाः ५, (१० साउन, २०८१), विहीवार, बाँपिझ्याला । द्वाल्खा भीमसीनकु चल्ती न्हिस्नु यर । नेपाल सम्वत् १०५३, विक्रम सम्वत् १९९० दय ईतिहासलान् आउ नेपाल सम्वत् ११४४, दिल्लागाः, (वि.सं.२०८१ दँ, साउन ९ ) बुधबार टुल्केय सोर्गु हर्स निनिस्पुल देउकु चल्ती ययन चोन ।
ईतितु छिजि पत्रकार भाजु राजेन्द्रनारायण मानन्धर न हङथे नेपाल सम्वत् १०४७, दिल्लागाः १४ (१९८४ साउन १२) बुधबारकु चल्ती यउ नेपाल सम्वत् १०४७ गुँलागाः ३ (१९८४ साउन ३१) य गोरखापत्र न्हिपतीकु चोयन तरै हङ खँ पित ययन चोन । आउ उ व्यला हो तिथीय गोरखापत्र न्हिपती सोयनन्ली मेवु ईतिहास कायम जुई फईरी खँ दमु ।
ईतिथु नेपाल सम्वत् १०५३, विक्रम सम्वत् १९९० दय चल्तीय ईतिहासन केङथे देश दुपान देश पिपान थिगुर थिगुर घटना घटई जुयन ययन चोन । उ जुयलागिन् भीमसेन देउकु यउ चल्ती त द्वाल्खावासीपिसिन् देश दुपान पिपान घटई जुई फउ भर परईजु चोकेय खँ (सुचना) य रुपकु कायन चोङ खोई दमु । आम गिथी सोचेङ आमथेतु जुयन चोन । उ पतकय चल्ती न मेह्ग जु सुर्य एअरलाईन्सय हवाई जहान दुर्घटना जुउ खँकु ट्वाकस्याङन तरै । उ जहान दुर्घटनाकु झिम्च्याम्ह मि सित । सोम्ह घाईते जुर ।
ईथि देउकु चल्ती यर्ङसिन भीमसीन देउ देश हो जनताय रक्षाय लागिन् लडाईकु ओन्गु जुयलागिन् चल्ती यर हङ थिगुर मान्यता दय लागिन् । ईथि चल्ती यई हो राष्ट्रय मुलमी हो नेपाली जनताय खेन्नलान् माफी फोङन क्षमा पूजा यरीउरी चलन दमु ।
उ चलन थे केसी नेपाल सम्वत् ११४४, दिल्लागाः पञ्चमीय (११ साउन २०८१) य न्हि खुन्हु द्वाल्खा भिमसीन देउकु ओम शान्ती आले क्षमा पूजा यरीउरी खँ दमु हङन् द्वाल्खा भीमसीन देउ गुठी व्यवस्थापन समितीन चोकेय खँ पित हायन तरै ।
नाप नापङ आमु ज्य खँकु दोखुनु नेपालीजनपिसिन् ब्व कायन दिईत नायः भाजु भरतबहादुर श्रेष्ठय नामलान् चोकेय पती पित कायन तरै । ऊ ज्य खँकु छिजिन् दोखुनु नेपाली जनपिसिन् ब्व कायन दिईलौं हङन ईसिन ईनाप (अनुरोध) यतगु ।
जय द्वाल्खा भिमसीन देउ, नेपाली धनजनय रक्षा यरिर्सिन ।
१९९७–०७७–०७८
© 2026 All right reserved to bampijhyala.com | Site By : Sobij
