Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४४, दिलाथ्व, १२, द्वादशी (३ श्रावण, २०८१) बाँपिझ्याला । लुँय भाउ सर्छि हो ङैईदोल थेन्जु । ङ्याकुय सोयन मिर यउपे हुल गत्के दमु । महंगो जुर्ङ मिईत हतार यतगु । सस्तो जुर्ङ ङ्यारीत हतार यतगु हङ व्यवसायीपे थउ खँ दमु । लुँय भाउ आउटुृल्लेय दोखुनु सोयन गत्के भाउकु मिईरी ज्य खँ जुयन चोन हङन् नेपाल लुँओह व्यवसायीन थउ खँ पित हायन तरै ।
अन्तर्राष्ट्रिय क्षेत्रकु लुँय भाउ थात ओङ जुयलागिन् वय प्रभाव नेपालकुङ जुउ खँ सिदत ययन चोन । बुधबार अन्र्तराष्ट्रिय बजारय भाउ पेस्सर हो चैईथिटाका डलर थेन्गुजु । अमेरिकाय् फ्रेडरल रिजर्भ बैङ्कन् ०.५ प्रतिशत ब्याजदर घट्याङ हल्लानाप नापङ लुँय भाउ बजारकु थात ओन्गु खँ सिदतय ययन चोन ।
नेपाल लुँओह व्यवसायी महासङ्घय् हाखेनय नायः आले लुँ ओह व्यवसायी तेजरत्न शाक्यन् गुङव्यला फेडरल रिजर्भ बैङ्कन् ब्याजदर घट्यारी फरई हङ अनुमानय भरकु लुँकु लगानी यकुपिसिन् लुँकु लगानी यङ जुई फरई हङ खँ बजारकु पित ययन चोन ।
ईथितु अन्तर्राष्ट्रिय बजारकु लुँय भाउ थात ओङन थिगुर औँस निस्दोल नस्सर डलर थेईरी अनुमान यङन तरै । ईथि थेन हर्स आमताक्कु नेपाली बजारकु लुँय भाउ एक लाख ६५ दोल थेई फईरी खँ दमु ।
१९९७–०७७–०७८
© 2026 All right reserved to bampijhyala.com | Site By : Sobij
