ने.सं. ११४४ बछलाथ्व चतुर्दशी बुधबार, बाँपिझ्याला, येँ । नेवाः पत्रकार राष्ट्रिय दबू न थनु सञ्चार अले सूचना प्रविधी मन्त्री मन्त्री रेखा शर्मा त सिहदरवार मन्त्रालयकु नाप लरीउरी ज्य खँ जुर । नाप लङन्ली मन्त्री शर्मायत नेपालय् मातृभाषाय पत्रकारिता ओन्गु सच्छि दँ किङ्गु व्यालाकु जुर ओङन चोन्गु थि थि ज्य खँय बारेकु पत्रकार दबूय नायः नृपेन्द्रलाल श्रेष्ठ सिके (जानकारी) वियन दिरहिन् ।

आन्थीतु पत्रकार दबु न् मातृभाषा पत्रकारिता शताब्दी दँय बारेकु जानकारी वियन दिरहिन् । आले आउ यउ बछलागा नवमी व दशमी खुन्हु नेपालय् येँकु अन्तराष्ट्रिय मातृभाषा पत्रकारिता सम्मलेन जुउई खँ न मन्त्री शर्मायत सिके (जानकारी) वियन दिरहिन् । आन्थितु मन्त्री शर्मायत धर्मादित्य धर्माचार्य संचार प्रतिष्ठान दकेई मल्गु, हुलाक टिकट पित काईरी ज्य खँँकुङ ध्यानकार्षण यत्के दिरहिन् ।

नेपाल टेलिभिजनकु नेपाल भाषालान् समाचार हत्केईरीय लागिन् दोखुनु ज्य खँ धोई धोन्जु । आउ वत कार्यान्वयन यरीउरी ज्य जुकुन लेङन चोन । प्रधानमन्त्री प्रचण्डय पालाकु नेवार जातीय लागिन् गत्केङ बाँलकु व भिङ्गु ऐतिहासिक ज्यखँ जुयन चोन्गु खँ मन्त्री शार्म प्वन्के दिरहिन् । ईथितु चाडङ नेपाल टेलिभिजनलान् नेपाल भाषाय समाचार प्रशारण जुयउ हङन दिरहिन् ।

मन्त्री शर्मान ईथि हङन दिरहिन्, नेपालय नेवार जातिय संस्कृती परम्परानाप थिउ गत्केङ ज्य खँपेन प्रधानमन्त्री प्रचण्डय पालाकु जुयन चोन वत पत्रकार पिसिन खँ पित यई मल । नेपाल सम्वत्य प्रवद्र्धक शंखधर त राष्ट्रिय विभूती घोषणा यरीउरी, नेपाल भाषा य तिथी खस भाषा नाप नापङ छ्यालेन वाईरी व बागमती प्रदेश सरकार न नेपाल भाषा व तामाङ भाषा त सरकारय ज्यकुठीकु कामकाजय भाषा रुपकु छ्यालेन वाईरी थिनागु ज्य खँ प्रधानमन्त्री प्रचण्डय पालाकुतु जुउ खेउ ।

तर वय बारेकु नुगर ड्वाकके हरीत हात्त ठाकर हङन पत्रकारपिस्त ऐस तयन दिरहिन् । आन्थीतु स्वनिगःय नेवार जातीय लागिन् गत्केथे महत्वपूर्ण ज्य खँपेन प्रधानमन्त्री प्रचण्डय पालाकु जुयन चोन हर्स स्वनिगःकु प्रधानमन्त्री प्रचण्ड त सोईरी दृष्टिकोण हात बाँलकु खोईमद । उ जुयलागिन् पत्रकारपिस्न खेउ खँत पित हाई मल्गु खँ दमु हङन मन्त्री शर्मा थउ मनय चिस्याकु खँ प्वन्के दिरहिन् ।

अन्तर्राष्ट्रिय मा दिवसय व्यालाकु ग्वसाग्वर ओङन चोङ ज्य खँकु जायन दिईत गोङपतीङ वियन दिरहिन् ।

सूचना, प्रविधि व सञ्चार मन्त्री मयजु रेखा शर्माज्यू न नेपाल टेलिभिजनकु नेपाल भाषाकये ब्वयेखँ (खबर) तइमल्गु आले राष्ट्रिय समाचार समिति (रासस)कुङ् ब्वयेखँ दुत स्वक्टाकेइमल्गु हङन् ध्यान बिइमल्गु ज्ये येङन्दिये खेउँ ।
मन्त्री शर्माजून नेपालये माभाषा पत्रकारिता चलेन् येउ खँ तार्नसिन् थउ बेस्न रसताये ख तयेन् उ माभाषाये लागिन् थउ न फयेतेक् ग्वाहार बिइउरी खँ तयेन्दिये दमु । आन्थितु नेपाल टेलिभिजनकु नेपाल भाषाये ब्वयेखँ तइरी ज्येखँ दकेइधोङ खँ दमु । आउ गुं ब्यालाकु नेपालटेलिभिजनकु ब्वयखँ पित येइफरइ हङन् थउ खँ तयेन्दिये दमु । आन्थितु नेपाल भाषा त पित हाइत ज्ये येकुमि भाजु धर्मादित्य धर्माचार्यये हुलाक टिकसउङ् पितकाइरी ज्ये येङन् बिइत वचन बियेन्दिये दमु ।