नेपाल सम्वत् ११४४, चिल्लाथ्व पुनीस, बाँपिझ्याला येँ। नेवार पत्रकारपे कुसा डोबर नेवाः पत्रकार राष्ट्रिय दबू न नेपालय पत्रकारीता क्षेत्रकु लगई जुयन भाषा, संस्कृती, परम्परा य जर्गेनाय लागि विशेष ग्वाहार यङन ययन चोन्गु खुम्ह मिसामीपिस्त ११४गुर अन्तर्राष्ट्रिय मिसान दिवसय व्याला लत्के साधना पत्रकारीता सिरपाउ ११४४ न सम्मान यत्चु ।

थनु नेपाल पर्यटन वोर्डय सभाहलकु ग्वसाग्वय आमु ज्य खँय मुल पाउँना माननिय मन्त्री भाजु उपेन्द्र यादवन मान यङ दसि नाप सिरपाउ वियन मान तयन विय खेउ ।

मयजु अनिता डंगोल न हिल्केय आले नेवाः पत्रकार राष्ट्रिय दवुय नायः नृपेन्द्रलाल श्रेष्ठय नायत्वकु हिल्गु आमु ज्य खँय मुल पाउँना माननिय मन्त्री भाजु उपेन्द्र यादव, आले विशेष पाउँनापेनकु ललितपुर महानगरपालीकाय नकु मञ्जली शाक्य व आदिवासी जनजाती पत्रकार फोनिजय नायः अमरध्वज लामा जायन दिएन चोङ्गुजु ।

आन्थितु पाउँनापेनकु पत्रकार राष्ट्रिय दवुय थापना यङन दिउ नायः भाजु श्रीकृष्ण महर्जन, हाखेनय नायः भाजु सुरजविर बज्रचार्य, दवुय कानुनी सल्लाहविउ भाजु किरण शाक्य व नेवाः देय दवुय येँय बरिष्ठ नकु सिर्जनमान श्रेष्ठ जायन दिएन चोन्गु ।

ज्य खँकु जायन दिएन चोङन दिउ मुल पाउँना, विशेष पाउँना व पाउनापिस्त छ्याञ्जे मयजु सुनिता महर्जनन लसकुस यङन दिर्जु ।

मुल पाउँना माननिय मन्त्री भाजु उपेन्द्र यादवन पानसकु ईनार च्याङन ज्य खँ हाखेन चल्के दियन्ली । नेपाल पत्रकार महासंघय थापना यङन दिउ नायः भाजु सत्यनारायणबहादुर श्रेष्ठ, पहिला मा भाषाय पत्रकार भाजु धर्मादित्य धर्माचार्य व पहिला मिसामि पत्रकार साधना प्रधानय किपाकु माला फिके दिरहिन् ।

उ ज्य खँकु सम्मान नाप लङन दिउकु मयजु भगवति तिमसिल्सना, पवन वर्मा शाह, रीता महर्जन, शान्ती तमाङ, सुनी बनेपाली व मञ्जु जोशी खेउ ।

ईथितु भिङगु टोङन न्हुन हायनदिउकु मुल पाउँना माननिय मन्त्री भाजु उपेन्द्र यादव, हाखेनय दवु नायः भाजु सुरजविर बज्राचार्य, कानूनी वियनदिउ भाजु किरण शाक्य न साधना प्रधान व पत्रकारीता क्षेत्रकु ग्वाहार यङन दिए खँकु थउ थउ खँ तयन थनु साधना पत्रकारीता सिरपाउ नाप लङन दिउ मयजुपिस्त भिङ्गु टोङ मन खँ तयन दिरहिन् ।

वय नाप नापङ पत्रकार राष्ट्रिय दवुन थउ पितका मुथुपती “आज्जु” पतीय चल्केईरी ज्य खँङ माननिय मन्त्री उपेन्द्र यादवन यङन दिरहिन् ।

ईथितु ज्य खँय लिखन जायन दिएन चोङन दिउ दोखुसेत नेवाः पत्रकार राष्ट्रिय दवुय बारेकु बरिष्ठ नकु भाजु शुनिल महर्जन सिके थुके दिरहिन् । पत्रकार मयजु रचना श्रेष्ठन सुभाय् वियन दिरहिन् । ईतितु उ ज्य खँ पत्रकार भाजु राजु नापित व मयजु अनिता डंगोलन हिल्के दिए खेउ ।

लिखन पत्रकार राष्ट्रिय दवुय नायः नृपेन्द्रलाल श्रेष्ठन ज्य खँ बाँलस्केईत जायन दिउ मुल पाउना, विशेष पाउना, थि थि पत्रकारपेन व गोङन तयन ज्य खँकु जायनदिएन चोङनदिउ दोखुनु भाजु मयजुपिस्त सुभाय् वियन ज्यखँ धोन्के दिरहिन् ।