प्राचिन शहर द्वाल्खा छिजी दोखुसेय साझी छेँ खेउ । ऊ विशेष यङन द्वाल्खामीय् लागिन् गौरव व प्रतिष्ठाय खँ जुयन चोन । तर वत छिजीन् साझी महत्व दके जिम्मेवारी व दायित्व निर्वाह यरी मफय थिनागु लगई जुर ।

छिजि दातिकु यल्पनुङ ल्वाङन मेवुपिस्त ङिल्के चोनगु । उ छिजी गुनेङ लागिन् बाँलकु खँ जुई मफउ । द्वाल्खाय मौलिक नेवारी भाषा, संस्कृती, परम्परा, नखत चखत व देउ देगल मेवु महत्वपूर्ण विशेषता दउ पुरान शहर खेउ । वय मौलिकता म्वात्के तईय लागिन् छिजि थि जुईतु मल । यल्पनुङन ल्वारीउरी जुकुन मखे । उ छिजि त वा बाँलकु मयत मयत तर मेविस्तरी बाँलकु यरी फरई उ खँ छिजि दोखुसेनुङ थुई मल्गु थनुय आवश्यकता व जिम्मेवारी दमु ।

थनु सोयन सोयन च्यानु हाखेन फागुण ८ तिथीन्नसी भीमेश्वर गुठी व्यवस्थापन समिती न थिगुर च्वय खँ पित हायेन भीमसेन देउकु पूजा यरीउरी ज्य खँकु देउय संरक्षण यरी मल हङन बात्चा बार तयन खँ पित हार्जु ।

आमु खँ पित हाय कत्नङ थनु सामाजिक सञ्जालकु गत्केङ खँपेन पित ययन विरोध व समर्थन यरीउरी ज्य खँ जुयन चोन । उ छिजि गुनेङ लागिन् बाँलकु खँ मखे उ जुयलागिन् वय समस्या पिपान हलेन ल्वाङन मखे दुपान चोङन सल्लाह यङन समस्याय समाधान यरी मल्गु खोईदमु । पिपान ल्वात्नसिन् मेवु मिपेन ङिलहिन् । लाहा ठ्याङन ङिलहिन् । उ बाँलकु खँ मखे ।

उ जुयलागिन् भीमेश्वर गुठी व्यवस्थापन समिती व आन्दोलन यङन चोन्गु द्वाल्खामीपे दातिकु सल्लाह जुई मल्गु जुयलागिन् ईसिन खोङ खँ त उकु चोयन तय दमु । वय बारेकु सल्लाह यङन नाप गसपुङन उईरीय मेवु विकल्प व मुल मद । मिलई जुयन सल्लाह यङन साझी ज्य खँकु बाहाकु बाहा ट्वाकस्याङन हाखेन उईत ईसिन ईनाप (अनुरोध) यतगु ।

थनु छिजि ल्वात्कु हर्स गुन त्यारेउ आले गुन बुरेउ हङ सोयनुङ केसी द्वाल्खा बुरी फरई मुल खँ उ दमु । उ जुयलागिन् भीमसेन देउय ज्य खँय बारेकु मिलई जुयन हाखेन उईलौं मेविस्त छिजि ल्वाङन मखे मिलई जुयन केईलौं । यल्पनुङ गसपुङन हाखेन उई मल्गुकु, छिजि ल्वाङन जुकुन चोई मजिरा ? उ छिजि लागिन् थिगुर ह्ेस चिन्न हाखेन ययन चोन ।

मखे हर्स हातिङ खँकु चित्त बुझई मोजुई फरई अले चित्त बुझई जुई फरई आमु वा नाप चोङन आनागु खँय समस्या समाधान यरी मल । मसिय सुकाएन छिजि द्वाल्खाय दाजुकिंज तिताकेहे, थि थि खलकपेन चोन्गु हर्स उ दुःखय खँ जुई फरई ।

तर आउ हाति द्वाल्खाकु जुयन चोन आमे बारेकु छिजि दोखुसेनुङ खोगउ दिमाग न विचार यरीलौं ।

साझी ज्य खँकु थि जुईलौं, वय लागिन् छिजि त बाँलकु सतबुद्धी थविउ हङन् भीमसेन देउकु आशिक फोईलौं । जय द्वाल्खा भीमसेन देउ, जय द्वाल्खा ।