नेपाल सम्वत् ११४४ ठिंलाखीं आमसी, बाँपिझ्याला, धुलिखेल । नेवारपे राष्ट्रिय संगठन नेवाः देय् दबू, महिला सशक्तिकरण नेपाल व पावन्का फण्ड सोंगुर सामाजिक संस्थापेन् नाप ज्याङन मिलैजुयेन् नेपाल भाषा त स्येइँकाइ येङ ज्ये नस्न्हुन्लि थन्हु धोनकेर्जु । ज्ये ग्वउ खलक महिला सशक्तिकरण नेपालये मूलमि आले नेवाः देय् दबूये क्वमूलमि मयजु रश्मिला प्रजापतिये नकिन्कु नेपाल भाषा प्रशिक्षक दकेइरी प्रशिक्षणये ज्येखँकु मुल पाउनामि नेवाः देय् दबूये संरक्षक भाजु मल्ल के. सुन्दरज्यू जु दउजु । उ ज्य खँकु नेवा देय् दबूये केन्द्रीय मुलमि भाजु पवित्र वज्राचार्यज्यूङ् थइेङ्गु दउ हर्स नापं नेवाः मिसा दबूये मुलमि मैजु कस्तुरी श्रेष्ठङ् जायनदिउ दउजु ।

थन्हुये क्वचल्केये न्हिखुन्हु नकिन् मयजु रशिमला प्रजापतिन् उ ज्ये ग्वये उद्देश्य, लक्ष व महत्वये खँपेन् तयेन् नेपाल देशये नस्गुर प्रदेशलाने येयेन्च्वङ्गु स्वीनस्म्हा स्येङ्गु मिपिस्त धन्यवाद बियेन् दोखुनु अुनशासन दुपान च्वङन् ज्येखँ येरित येँगके ग्वाहार बियेकु थउ खुसी जसये खँ तयेन् ज्ये चल्केइत अनुमति बिये दउजु । आन्थितु उ स्येइँकाइ ज्येखँकु थउनु सिये, काये, स्येङ ज्येलान् ल्वब पितयेउ खँ त तयेन् स्येङ्गुमिये खेन्नलान् बागमती प्रदेशलान् द्वाल्खामि बालकृष्ण श्रेष्ठ, गण्डकी प्रदेशलान् अष्टमान प्रधानाङ्ग, मधेस प्रदेशलान् राजेश्वरी श्रेष्ठन् थउथउ अनुभव हङ दउजु ।

पाउनापे खेन्नलान् स्येङ्गुमि गुरु दीपक तुलाधरज्यू, नेवाः मिसा दबूये मुलमि कस्तुरी श्रेष्ठ, नेवाः देय् दबूये मुलमि पवित्र वज्राचार्य आले थन्हुये मुल पाउनामि मल्ल के. सुन्दरज्यू न थउ खँ तये दउजु ।

नेपाल सम्वत ११४४ थिंलाखिं नवमिखुन्हुन्नसि आमसी टुल्के काभ्रे जिल्लाये धुलिखेलकु दउ माउण्ट प्रिन्सेस होटलये सभाकुठाकु जु भाषा स्येइँकाइ ज्येखँ जु खेउँ । ङान्हुटुल्के ब्वङ्केयेन् थिन्हु स्येंगुमिपिस्त ङेइकाइ ज्ये यत्केये दउजु । नस्गुर प्रदेशये नीनिस्गुर जिल्लाये स्वीनस्म्हा भाषाये ल्याखा, ब्वङ्केइरी, च्वकेइरी आले न्वन्हाकेइरी शीर्षककु ज्ये स्येङदउजु । उ ब्वन्केइरी ज्येखँ चल्केये न्हिखुन्हु ज्येग्वउ कुठी नेवाः देय् दबूये मिसामि खेन्नये क्वमुलमि मैजु रश्मिला प्रजापतिज्यून नेपाल भाषा स्येइँकाइ ज्येकु येउ दोखुसेतं ओँसिकेइरि ज्ये येङन् कक्षाकु च्वन्नसिन् ध्यान बीमल्गु खँपेन् अनिवार्य नेवार भाषा ल्हाइमल्गु नियम दकेये दउजु ।

शुरुये दिन्खुन्हु गुरुमा मैजु रमिता बज्राचार्यज्यून आँकुलान्लि गुरु भाजुपेन् दीपक तुलाधर, पवित्र कसाः, डा. वज्रमुनि वज्राचार्य, पौभा सायमि, निर्मल वज्राचार्य, उमेश स्थापित न थउ माये भाषा मसउपिस्त भाषा स्येइँत छ्यामिल्गु, न्वनहाये ल्याखाःन् टाहागौ (दीर्घ) व पुटिगाउ (.ह्रस्व) सर थुके आखर च्वइ सकेइमल्गु खँ स्येङ दउजु । खुन्हुटुल्के कुठाकु ब्वनकेइ धोन्केयेन्लि नेवारपे पुरान् ठाइँ दाप्चा येङन् आँकुये संसकृति सम्पदा ओँसिकेइरि ज्ये येङ दउजु ।

नेपाल भाषा स्येइँकाइ ज्येखँकु द्वाल्खामि दुत स्वाक्टार्नसिन् घत्केङ् खँपेन् पितयेउ ख्वइँदत । द्वाल्खा नेवार भाषालान् खँ लाउपेन् सोँगुर जिल्लाये पेठाइँँ खँलाउपेन् दर्सङ् चपिल, लाङा, फर कुठा दुपान जुकुन् थायेन् च्वङ्गु खेउँरा हङथेँ ताइदत । हात्तहर्स नेपाल देशय येक्कुथेँ ठाइँकु स्वःनिग देशये भाषा तु छ्याले ख्वइँ दर्न द्वाल्खा, तौथली, लिस्तिकोट, दुतिये मिपिसिन् लायेन् च्वङ द्वाल्खा नेवारी भाषाये आधार तु सुल्के तइ मजिर वये लागिन् थउथउ ठाइँलान् निर्न चायेन् पितकाइमल्गु ब्यला येयेन् च्वन ।