बाँपिझ्याला, द्वाल्खा । द्वाल्खा उद्योग वाणिज्य संघन ग्वसाग्वय बृहत्त द्वाल्खा महोत्सव २०८० थनु मंगलबार धोन । उतु पुष १३ तिथीन्नसी हिल्केय उ महोत्सव झिम्निस्नु टुल्लेक थि थि सांगितिक ज्य खँ सुत्ता हिल्केय महोत्सव सोईत थि लाख सोयन गत्के मिपिसिन् सोईत थेन्जु हर्स उतु व्यलाकु पाँच करोड सोयन गत्केय ढ्यावाय व्यपार जुउ खँ सिदत ययन चोन ।

भीमेश्वर नगरपालिका सुत्ता द्वाल्खा जिल्लाय गुगुर पालिका व थि थि पिगुर सोयन गत्के खलकय ग्वाहारकु हिल्गु उ बृहत्त द्वाल्खा महोत्सव २०८० कु तय सर्छि व ४७ गुर पसलय कवलकु गत्केथे कृषि खेन्नय उत्पादन, लाहान दकेय हस्तकलाय सारदामपेन, किवि, सुन्तला सुत्ताय फलफूल, निजा, जा, देउचमारी, सेलमारी मिई फय खँ द्वाल्खा उद्योग वाणिज्य संघय नायः भाजु ईन्द्र श्रेष्ठय दमु ।
प्रधानमन्त्री भाजु पुष्पकमल दहालन् चल्केय ताक्कु द्वाल्खा जिल्लाय उत्तर–दक्षिण व पुर्व–पश्चिम राजमार्ग मटरय मुल त पर्यटन आले कृषि उद्योगमैत्री दकेईरी, द्वाल्खा फिल्मसिटी तकेईरीय लागिन् प्राथमिकता विय नाप नापङ चरिकोट रंगशाला दकेईकु ग्वाहार सुत्ता थिनागु महत्व दउ खँकु ध्यान विकेय नाप नापङ वय लागिन् द्वाल्खा उद्योग वाणिज्य महासंघन यरीय लागिन् ग्वाहार जुयन चोयङ हङ भाजु श्रेष्ठय थउ खँ दमु ।

ईथि हिल्गु महोत्सवन जिल्ला जुउ आर्थिक ज्य खँकु गत्के ड्वाकु ग्वाहार यरीउरी व पर्यटन पवद्र्धन अले कृषि उत्पादनकु टुल्ले ग्वहार यकु जुउ जुयलागिन् द्वाल्खा उद्योग बाणिज्य संघ द्वाल्खान आउ यउ २०८१ दँ कार्तिक ३० न्नसी मंसिर १५ तिथी टुल्ले लितङ महोत्सव यरीउरी तयारी यरी टेङ थमु हङन संघय छ्याञ्जे भाजु प्रविण श्रेष्ठन् थउ खँ पित हायन तरै ।

महोत्सवकु आस्था राउत, रमेश प्रसाईँ, कल्पना दहाल, ज्योती मगर, राजनराज सिवाकोटी, अमृत खाती, हरिबहादुर राउत, कोपिला वाइबा, एलिना चौहान, शान्ति श्री परियार, प्रिती आले सुत्ता राष्ट्रिय कलाकार व स्थानीय कलाकारपिसिन् केङ ब्याण्डमिन्टल म्येथय प्रतियोगिता, गजल साँझ, स्टीट फुड फेस्टीबल सुत्ता ज्य खँ हिल्केय खँ ज्य खँ ग्वसाग्वउ पे थउ खँ दमु ।

थनु मंगलवार संघय् नायः इन्द्र बहादुर श्रेष्ठको सभापतित्वकु हिल्गु आमु धोन्गु ज्य खँकु नेपाल उद्योग वाणिज्य महासंघय जिल्ला नगर कोकजी सुरकृष्ण बैद्य, एमाले नेता हाखेनय मन्त्री आनन्दप्रसाद पोखरेल, भीमेश्वर नगरपालिकाय मुलमी ईश्वर नारायण मानन्धर, बैतेश्वर गाउँपालिकाय मुलमी छवि लामा सुत्ता थउ थउ खँ प्वन्के दिरहिन् ।

छिजिन् ईनागु ज्यखँन् सेईमल आले ज्य यरी मल खाली थिम्हय मेवुय टुटी छिङन लिङाई मटे हङन ज्य खँ पिसिन् थुके ययन चोन हर्स आन्थी जुय लागिन् दोखुसेनुङ खोगउ दिमाग न विचार यङ ज्य खँ यरीलो अले साझि ज्य खँकु यल्पनुङ थि जुई मफर्सङ थिताल थि जुयन ज्य खँ यङन केईलौं । वय लागिन् दोखुसेत त सत बुद्धी थविउ हङन भीमसेन देउकु आशिक फोङन चोनगु ।।।