ने.सं. ११४४, थिंलात्व, बाँपीझ्याला, येँ । नेवार देशये डोबर नाप नापं नेवारपे समुदाय दुपान दउ थि थि थउ खलकपे नाप मुङन् ताम्सालिङ नाप ज्याङन सरकार त वागमती प्रदेशये नाम हुयेन् ‘नेवाः ताम्सालिङ’ तकेइ मल्गु खँ ल्वाप्ठोङन् सरकार त सचेत येत्केइरि ज्येखँये ल्याखाःकु थन्हु येँ देशये असन मुल बजारकु थिगुर ज्येखँ ग्वर्जु ।

न्हुलु सटकये ओर्गसी सिमा दउ ठाइँकु स्वनिगः देशये नेवारपे नाप नापं आदिवासी जनजातिपे थि थि थउ जातिय खलकपेन् गिथिकि स्येँमि खलक (तामाङ घेदुङ संघ), स्येमि झाँक्री ब्वम्भ्व खलक, मगर समुदाय खलक, गुरुङ समुदाय खलक आले साँसमि (भोटे) खलकपेन् मुङन् येँ देशये मूल ठाइँपेन् न्हुलु सटक, ड्वाकु पसलछेँ (विशाल बजार), फसिओँ ट्वाल (भेंडा सिं), ठहिटी, त्यौड जुयेन् असन पसलये आगमकु थ्येङन् सभा चल्केये दउजु ।

थन्हुये सभा ज्येखँये मुलमी/ नाइके नेवाः देय् दबूये केन्द्रीय मुलमी/ नायः भाजु पवित्र भाजु जुयेज्दिउ दउ हर्स उ ज्येखँकु मान्येरिमल्गु ड्वाकुन्दांगु भाजुपेन् आदिवासी जनाजाति महासंघये मूल मि गेल्जे शेर्पा, नागरिकपे हाखेन लिङाउ बुद्धिजीवी बोद्धिकमि खगेन्द्र संग्रौला, नेवारपे दातिकु नेवारपे लागिन् ज्येखँ चल्केउमि हाविय सासंद भीमसेनदास प्रधान, ताम्सालिङ् संयुक्त संघर्ष समिति नेपालये मूलमि व हाबिये जापानये राजदूत डा. गणेश योन्जन, राष्ट्रिय आदिवासी जनजाति मिसामि महासंघये मूलमि मैजु ठिमी शेर्पा, नेपाल मगर संघये मूलमि ज्ञानेन्द्र पुन मगर, किरात राई यायोक्खाये मूलमि जीवन हताचो राई, तमु ह्युल छौज धिंये मूलमि कर्णबहादुर गुरुङ, किरात याक्थुङ चुम्लुङये मूलमि प्रेम येक्तेन लिम्बू, नेपाल शेर्पा संघये मूलमि लाक्पा शेर्पा, सुनुवार समाजये मूलमि अमृत सुनुवार दउजु ।

आन्थितु नेवाः मुक्ति मोर्चालान् दिलिप महर्जन, नेवाः राष्ट्रिय संघ समाजलान् माइलाबाबु देउला, नेवाः संघ जसपालान् ज्ञानेन्द्ररत्न वजाचार्य, नेवा समाजवादी संघलान् अनुपसिंह सुवाल, लोकतान्त्रिक नेवाः दबूलान् भगवान शाक्य, नेवाः राजनीतिक अभियानलान् श्रीकृष्ण मान्नधर दउजु हर्स स्येमि (तामाङ)पे खेन्नलान् दीलमान पाख्रिन, परशुराम तामाङ, शान्ति पाख्रिन, जयप्रसाद गोले, बुद्धराज स्याङतान् दउजु ।

नेवार व तामाङपिसिन् हाबिन्नसि देशये लागिन् हङन् हि, चल्ती व ज्यान तु लाछायेन् च्वङ दमु हङ सिकेसिके मिखान् ख्वन्केख्वन्के देश त चल्याकु मूलमिपिसिन् थउ मूल ठाइँकु थ्येइँ धोङन्लि तामाङ व नेवारपिस्त ज्येमिये ल्याखाटुल्के मतयेन् दोखुनु ठाइँकु थउजुकुन् थ्येङन् उ आदिवासी जनजातिपिस्त कोत त्यालेन् च्वंगु खँ आउ जुकुन् मखे हाबिन्नसि जुयेन्च्वंगु खँ खेउँ ।

आमताक्कु हेटौडाये भीमफेदी, भैंसेये थाटोँ मूलकु मटर हाइत छिजीतु नेवार व तामाङपिस्ततु ज्ये वायेन् आपेन् जुजु महाजुजु जुयेन् च्वन्नसिन् थन्केसीये नेवार व स्येँमिपे मा बोबु बाजेपिसिन् न्वनहाइ मफयेन् आप्सिन् िहाति हतै आमु खँ ङेङन् नोकर जुयेन् च्वंगुतन् ।

यिनागु अन्यायलान् पित येइ मल हङन् तु १९९१ साल्ननसि दुबिन्दुबि थिम्हा निस्म्हान् सुलेन् सुलेन् आखर स्येङन्, ब्वङन् अन्याय जु खँपेन् तर्न गुन्तं बन्दुक न कके स्यात्हिन्, गुन्तंं सिमाकु यार्खायेन् स्यात्हिन् गुन्तं सर्वस्व कायेन् देशलान् पि टिङन् छोर्हिन् ।

आनागु अत्याचार सहयेरि मफयेन्तु ब्याल ब्यलाकु गिथि कि १९९७ शहिद काण्ड, २००७ राणा शासन म्वउ काण्ड, २०१५ अन्तरिम शासन काण्ड, २०१७ पञ्चायती काण्ड, २०३५ हड्ताल काण्ड, २०३६ जनमत सँग्रह, २०४२ सत्याग्रह काण्ड, २०४६ हाबिये जनआन्दोलन,, २०५२ शान्ति सम्झौता, २०५८ लितं शान्तिवार्ता आकुुलान्ुं मजियेन्लि २०६२–६३ माओवादी जनआन्दोलन जुर्न टुल्के येल्पनुं उ हे जनजातिपेन् तु थि जुयेन् लोकतन्त्र, गणतन्त्र हायेन् व्यवस्था हिल्के देश त बाँलस्केयेउ हङन् नाम जाउ नेतापिस्त थात हार्नसिन् थनु लितं उ तु मिपिस्त थउ मूल ठाइँलान्र तु पित उइँत बाध्य येत्केये कारण्न आउ सुम्मके च्वइँ मजिर हङन् उ ज्ये खँ ग्वये खेएँ हङन् थन्हु न्वन्हाउ पिसिन् थउ खँ तये दउजु ।

थन्हुये ज्येखकुँ नेवाः देय् दबू येँ महानगरपालिकाये मूलमि मैज् शोभा बज्राचार्यन् लसकुस खँ तयेन् न्वन्हाये दउजु हर्स ज्येखँरि नेवारपे खेन्नलान् स्वःनिग प्रदेशये मूलमि श्रीकृष्ण महर्जन व स्येमिेपे खेन्नलान् मञ्जु मिक्चन्न हिल्केय दउजु ।