Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
बाँपीझ्याला, काठमाण्डौं । रजनीकान्तको ‘जेलर’लाई पहिलो दिनको कमाइमा पछि पारेको विजयको फिल्म ‘लियो’ले अर्को कीर्तिमान पनि कायम गरेको छ । फिल्म सबैभन्दा चाँडो ५ सय करोड कमाउने भारतीय फिल्म बनेको छ । यो क्रममा ‘लियो’ले शाहरुख खानको ‘जवान’लाई पनि पछि पारेको हो । १९ अक्टोबरका दिन रिलिज भएको फिल्मले ६ दिनमा ५ सय करोडको आँकडा पार गरेको हो ।
‘लियो’को कमाइमा देशसँगै विदेशको हिस्सा पनि बराबर छ । फिल्मले भारतमा २ सय ५० करोड कमाइ गरेको हो भने विदेशबाट पनि उतिनै कमाइ गरेको हो । ‘जेलर’ र ‘जवान’लाई यति नै आम्दानी गर्न २० दिन बढी लागेको थियो ।
‘लियो’ तमिलमा पहिलो दिन सबैभन्दा धेरै कमाइ गर्ने फिल्म पनि बनेको थियो । फिल्मले पहिलो दिन नै १ सय ७२ करोड कमाइ गरेको थियो । जबकि यसअघि ‘जेलर’को पहिलो दिनको कमाइ १ सय ४३ करोड थियो । ‘जवान’ले १ सय २७ करोड कमाएको थियो ।
अब ‘लियो’ रजनीकान्तको ‘जेलर’भन्दा सय करोडले पछि छ । तर पछिल्ला दिनमा यो फिल्मको कमाइ निरन्तर घट्दो क्रममा रहेको व्यापार विश्लेषकको आँकडा छ । ‘जेलर’ले ६ सय ४ करोड कमाइ गरेको थियो । ‘लियो’को एक्सन र ब्याकग्राउन्ड म्युजिकको तारिफ भए पनि कथा बलियो नहुँदा फिल्मले सोचेझैँ व्यापारको रफ्तार कायम गर्न सकेको थिएन ।
१९९७–०७७–०७८
© 2026 All right reserved to bampijhyala.com | Site By : Sobij
