बाँपीझ्याला, येँ, नेपाल सम्वत् ११४३ दिल्लाथ्व द्वादशी तिथि शुक्रबार (असार १५) । साहित्य खेन्नये थिगुर ड्वाकु सामाजिक ज्येकुठी नूर–गङ्गा ज्येकुठी (सामाजिक संस्था) न् थन्हु येँ देशय् नक्शाल भगवती वहाल नाप दउ सामाजिक ज्येकुठीये सभाकुठाकु नूर–गङ्गान् राष्ट्रिय बाल साहित्य सिरपाउ निस्म्हा बाल साहित्यकु नाम जायेन् च्वंगुपिस्त बिइउरि ज्ये येत्चु ।

नूर–गङ्गा प्रतिभा सिरपाउ ज्येकुठी (नूर–गङ्गा प्रतिभा पुरस्कार गुठी)ये मूलमि प्रा.डा. भाजु गोविन्द नेपालये सभा नाइकेकु जु थन्हुये ज्येखँये मूल पाहुनामि प्राध्यापक केदारभक्त माथेमा जु दउजु । थन्हुये मानेरिमल्गु पाउनामिकु आम्तु ज्येकुठी त दके स्यार येङन् तउ मि (संरक्षक) भाजु अमीरप्रताप ज.व.रा., हाबिये मूलमि प्रा.डा. भाजु चूडामणि बन्धु जु दउ हर्स मेबु पाउनामिकु मैजु जानुकादेवी राणा व मैजु विदुषी राणा दउ हर्स थन्हुये सम्मानकाउ पाउनामिकु भाजुपेन् बाबुहरि ज्ञवाली, पा.डा. तुलसीप्रसाद पाठक, प्रा.डा. विनोदकुमार श्रेष्ठ व यज्ञप्रसाद शर्मा पोखरेल दउजु ।

नेपाल देशये राष्ट्रिय म्ये हलि धोन्केयेन्लि मूल पाउनामि प्राध्यापक केदारभक्त माथेमान् ट्वाक्रेकु इतार च्याङन् ज्ये चल्केयेन्लि आमु ज्येखँकु ब्व कारयेउपिस्त भाजु प्रा.डा. भवेश्वर पंगेनीन् लसकुस येङन् थउ खँ तये दउजु । आँकुलान्लि थन्हु ज्येखँये मूल कुठी हाबि हाबि समाज व देशये लागिन् घत्केङ बाँलकु व भिंगु ज्ये येङन् दिउ सम्मानित ड्वाकुमि मदइधोंगु नूरप्रताप राणा व गङ्गादेवी राणा त लुओन्केइत दकेये जुये लागिन् आमु ड्वाकुन्दांगु मिये किपाकु स्वमाला कोखाकेयेन् थन्हुये ज्येखँ चल्केये दउजु ।

नूर–गङ्गा राष्ट्रिय बाल साहित्य सिरपाउ थापरे डा. भाजु गेहेन्द्रमान उदास (कास्की, पोखरा) व भाजु कन्हैया नासननी (विशालनगर चण्डोल येँ) निस्म्हात मति थिम्हात ङैदोल (५० हजार)टाका ढ्याबा नापं सम्मानपति बिये दउजु । आन्थितु उ तु ज्येकुठीन् नवप्रतिभा लोकगायन सिरपाउ भाजु पुष्कल शर्मा (पाल्पा) त स्वीदोल (३० हजार)टाका ढ्याबा व सम्मानपति बिये दउ हर्स राष्ट्रिय लोकगायन सिरपाउ भाजु रामकुमार नेपाली (काठमाडौं) त निङादोल (२५ हजार)टाका बिये दउ । इथितुं उ ज्यकुठीन् नक्क नक्क साहित्य खेन्न कलम वायेन् मुचापे लागिन् चिये खँ, बाखन् च्वयेन् च्वंगु मिसामुचा मैजु आयुष्मा तिवारी (नवलपरासी सुस्ता) त नूर–गङ्गा नवप्रतिभा क्षेत्रीय सिरपाउये ल्याखान् निदोल (२० हजार)टाका ढ्याबा बिये दउजु ।

मदइधोंगु नूरप्रताप राणा व गंगादेवी (गुरुङ) राणा नेपालये दोखुनु स्वयेन् हाखेन हवाइजहाज ब्वकेउ मैजु रक्षा राणा ये बा व मा खेउँ हर्स उपेन् हाबिये बालकु व्यापारी व उद्योगपति खेउँ । गंगा देवी राणान् नेपाली म्येपेन् हले दमु ।