बाँपिझ्याला येँ, नेपाल सम्वत् ११४३ तछलाथ्व एकादशी तिथि बुधबार । नेवाः देय् दबूये नाप स्वाङन् च्वंगु सूचना संचार व प्रकाशन समितिन् पितकाये नेवाः देय् दबूये फोनल्याखा पति थनु पितब्वकेइरि ज्येखँ जुर । प्रकाशन समितिये मूल ज्येग्वउमि (कजि) भाजु उपेन्द्र प्रधानये मूल नाइेकु जु थन्हुये मूल पाउनामि नेवाः देय् दबू केन्द्रीय मूलमि भाजु पवित्र बज्राचार्य जु दउ हर्स केन्द्रीय क्वमूलमि (न्वकू) उमेश स्थापित, मूल ज्ये छ्याल्गुमि (छ्यान्जे) सत्य नारायण डंगोल, नेवाः मिसा पुचःये ड्वाकुन्दांगु क्वमुलमि मयजु रश्मिला प्रजापति, केन्द्रीय दामबरिल निरञ्जन शाक्य, केन्द्रिय दुज माईला डंगोल, हरि श्रेष्ठ सिन्धुली, नेवाः देय् देय् दबू येँ जिल्ला समितिये क्वमूलमि धनवीर महर्जन, दामबरिल धर्मराज डंगोल, दोलखा जिल्ला समितिये मूलमि देवेन्द्र नारायण प्रधान, कामनपा नगर समितिये मूलमि मयजु शोभा बज्राचार्य अले द्वाल्खा–स्वनिगः प्रदेश समितिये सल्लाहकार अमरकुमार प्रधान पाउना जुयेन् चल्केये उ ज्ये खँकु मूल पाउनामिन् ब्यानरये आखर ब्वङन् ङेङ्केयेन् ज्ये चल्केदिये दउ ।

केन्द्रीय दुज व आमु समितिये क्वमूलमि अनिल लेकालीन् नेवाः देय् दबून् घत्केङ् हाखेनन्नसि ग्वये उ फोन ल्याखापति (फोन डाइरेक्टरी) पितकाइरि ज्येखँ आउ पित काइ फर्गु, उ ज्येखँकु ग्वाहार बिउ दोखुसेतं सुभाय हङन् थन्हुये ज्येखँकु येउपिस्त लसकुस येङन् थउ खँ तर्जु ।

मूल पाउनामि पवित्र बज्राचार्यन् नेवाः देय् दबू त मदके मज्यू उ फोन ल्याख पति नेवा देय् दबूये साङतपिसिन ्पितकाये खोन्न थउ घत्कें रसताये खँ तयेन् इनागु ज्येखँकु लिङायेन् च्वंगु उ दबूये दोखुनु साङतपिस्त सुभाय दमु हङन् नेवाः छेँ दकेइत केन्द्रीय दामबरिल निरञ्जन शाक्यन् ग्वाहार बिये सर्छिदोल टाका (१ लाख) ढ्याबाये चेक लाहाकु कायेन् थउ खँ तर्जु ।

उ तु ज्येखँ क्वचल्केइ स्वयेन् हाखेन समितिये ज्येग्वउमि व सभाये मूलमि उपेन्द्र प्रधान्न येउता ज्ये ग्वर्नसिन् थाबि च्वंगुपिसिन् ज्ये ग्वइत ल्वाप्ठोइँरि आले ज्ये ग्वयेन्लि दातिकु त्वार्त कत् म्वथुके बिइउरि बानी त्वार्तैमल्दन । थाबि च्वंगुपिसिन् येउता ज्ये येत्केर्न बाँलस्के मूल क्येङन् ज्येत मूल ठाइँकू थ्येङ्केइत टुटि ल्येइ मल्गु दमु हङन् थन्हु पित काये फोन ल्याखापति कायेन् ग्वाहार येङन् बित इनाप येङन् थन्हुये ज्येखँ क्वचल्केये दउ । थन्हुये ज्ये खँ आमुतु समितिये ज्ये छ्याल्केउ मयजु पुनम श्रेष्ठन् सोंकेये खेउँ ।