बाँपिझ्याला येँ । भीमेश्वर नगरपालिका व बाँपिझ्याला मिडियाये साझीकु द्वाल्खालान् स्वनिगः जायनदिएन चोङन दिउ दाजुकिंज, तिताकेहेपे दातिकु “द्वाल्खा नेपाल भाषा व वय महत्व” शिर्षककु अन्तरक्रिया ज्य खँ धोन ।

द्वाल्खा नेपाल भाषाय् संरक्षण सम्वद्र्धन येरि लागिन् स्येइँकाइ (प्रशिक्षण) ज्ये येरिलागिन् जु ङेइलाइ (अन्तरक्रिया) ज्येखँ थन्हु बाँपिझ्याला अनलाईन पतिय् सम्पादक भाजु उपेन्द्र प्रधानय् नायःकु जु थन्हुय् आम ज्य खँकु मुल पाउँनाकु भीमेश्वर नगरपालिकाय् मूलमि भाजु ईश्वरनारायण मानन्धर, आन्थितु मेबु मानेरिमल्गु विशेष पाउँनामिकु भीमेश्वर नगरपालिका वडा ल्याखा–२ य् मूलमि भाजु स्टालिन श्रेष्ठ, दोखुनु स्वयेन् ड्वाकुन्दांगु बुद्धिजीवी लोखु विशेषज्ञ इन्जिनियर भाजु आत्माकृष्ण श्रेष्ठजु, हाबिय् प्रतिनिधि सभाय् दुज भाजु दिव्यमणि राजभण्डारीजु दउजु ।

थन्हुय् ज्येखँकु समकालीन एकता समाज नेपालय् मूलमि मैजु सकुना श्रेष्ठन् आँकु ययेन् च्वंगु मानेरिमल्गु डकुन्दांगु मूल पाउनामिपिस्त मानेङन् लसकुस न्वन्हायेन्लि मूल पाउनामि भाजु ईश्वर नारायण मानन्धरजुन् ट्वाक्रेकु इतार च्याङन् थन्हुय् ज्येखँ चल्केय् दिरहिन् ।

आन्थितु थन्हुय् ज्येखँकु ग्वङ ल्याखाःकु जायेन्दिउ पाउनामिपेन् हाखेनय महान्याधिवक्ता आले बरिष्ठ अधिवक्ता भाजु मुक्ती नारायण प्रधान, द्वाल्खा नेपाल भाषा खलकय् मूलमि भाजु नहेन्द्र प्रधान, कलेजकु आखर ब्वंकेदिउ गुरु प्राध्यापक भाजु अमन श्रेष्ठ, कालिन्चोक युवाक्लवय् मूलमि भाजु निरेन्द्र मास्के, नेवा देय् दबू केन्द्रीय कोमूलमि भाजु शान्त श्रेष्ठ, नेवाः देय् दबू दोलखा जिल्ला शाखाय् मूलमि भाजु देवेन्द्र नारायण प्रधान, सिविन नेपालय् मुलमि भाजु माधव प्रधान, समकालीन एकता समाज नेपालय् मूलमि मैजु सकुना श्रेष्ठ मलेकुजु जायेन्दिउ दउजु ।

आन्थितु सिआरडिएस नेपालय् मूलमि भाजु प्रवीण प्रधान, छिजि द्वाल्खा डोबरय् मूलमि मैजु रिना श्रेष्ठ, सृजनशील महिला समाजय् मूलमि मैजु अन्जु श्रेष्ठ, प्रेम पूर्ण प्रताप फाउण्डेसनय् मूलमि मैजु शान्ति श्रेष्ठ, साथीका लागि साथी समूहय् खेन्नलान् मैजु कल्पना श्रेष्ठ महर्जन, आन्थितु द्वाल्खा देश दुपान गुनानुं येङ मदउ दकेये मदउ बुद्धय् द्यउकुठी दकेइत ज्ये उल्गुमि भाजु डा. सुनिल मास्केजु आले द्वाल्खा नेपाल भाषालान् येल्पनु गोरखापत्र संस्थानलान् पित येउ ब्वङ पतिकु द्वाल्खा भाषालान् च्वसर् तउमि भाजु आदर्श प्रधान आले शब्दांकुर लच्छिपतिय् सम्पादक भाजु धीरकुमार श्रेष्ठन् ब्व कायन दिरहिन् ।

आन्थितु थन्हुय् ज्येखँकु द्वाल्खा नेपाल भाषायेतु ल्याखाः तयेन् उ भाषा लाउ ठाई सिन्धुपाल्चोक जिल्लाय् तौथलीलान् भाजु अमृत बहादुर श्रेष्ठ, रामकुमार श्रेष्ठ, भेषकुमार श्रेष्ठ व साङतपेन् आले लिस्तिबजारलान् भाजु चमेरे प्रधान, भाजु शंकर प्रधान, भाजु डम्बर बहादुर प्रधान आले भाजु चक्र बहादुर प्रधान जायेन्दिये दउजु । इथितु पत्रकार खेन्नलान् भाजु प्रवीण जोशी स्टार एक्स्प्रेस साप्ताहिकय् सम्पादक, उज्यालो एफएम लहनाय् ज्य सोंकेउमि भाजु कुमार रञ्जित, भाजु महेन्द्र श्रेष्ठ व फोटो पत्रकार भाजु विनोद महर्जन् जायेन्दिये दउजु ।

थन्हुय् ज्ये खँकु द्वाल्खा नेपाल भाषा त येल्पनु जाउ मदियेन्ं छ्यालेन्च्वइँत खँ लायेन्च्वइँत थउथउ नाप तु खँ लाइङेइमल हङ खँ थन्हु पितयेउ खोइँ दत । द्वाल्खाय नेवारी भाषा गिब्लान् पितयेउ खेउँ आले उ भाषा गिबिगिबि लारहिन्, उ भाषाय् जन्म गिब्लान् जुर हङ खँ त दुपान नुगर्ननसि ख्याल तयेन् म्वालेन् थुकेइमल हङ खँ थन्हु न्वान्वायेन्दिउ भाजु पिसिन् हङन् दिर्हिन् ।

थन्हु उ ज्येखँकु न्वन्हायेन्दिउकु भाजुपेन् नहेन्द्र प्रधान, मुक्तिप्रधान, अमन श्रेष्ठ, दिव्यमणि राजभण्डारी, आत्माकृष्ण श्रेष्ठ, ईश्वर नारायण मानन्धर, स्टालिन श्रेष्ठ दउजु हर्स थन्हु ज्येखँय् मूलमि भाजू उपेन्द्र प्रधान्न थन्हुय् ज्यखँय् दुपानय् खँ त पतिकु तयेन् ब्वङन् क्येङन्दिर्जु ।

थन्हुय् ज्येखँ बाँपिझ्यालाय् सह–सम्पादक भाजु बालकृष्ण श्रेष्ठन् हिल्केय खेउ ।