Aug 21 2026 | २०८३, भाद्र ५ गते
२०८३, भाद्र ५ गते
Aug 21 2026 | २०८३, भाद्र ५ गते
बाँपिझ्याला, सक्व, नेपाल सम्वत् ११४३ पोहेँला अष्टमी तिथि शुक्रबार (२०७९ पुस १५ गते) । दाँस्पत्ति थेँतु थापरेङ् पोहेँला पुन्हिस् ननसि माधवनारायण द्यउय् व्रत च्वङन् श्रीस्वस्थानी माय् बाखन लाइङेइ व व्रत च्वइँरि ज्येखँ जुइटेंगु दमु । उ ज्येखँ ग्वइटेङ ब्याला नापनाप ययेन् च्वङ ल्याखा त स्वयेन् सक्वदेशय् नादि (शालिनदि)कु जुइटेंगु मेलाय् लागिन् जुयेन् च्वंगु ज्येखँय् विषय क्येङन् थन्हु आँकुय् ज्येकुठीन् (व्यवस्थापन समिति) स्वनिग दुपान दउ पत्रकार पिस्त सत्तयेन् थउ ज्येखँय् विवरण ङेङ्केर्जु ।
थन्हुय् पत्रकारपेन् मुङन् खँ ल्हाइङेइ ज्येकु न्हुलु ज्येकुठीय् मूलमि भाजु बालकृष्ण श्रेष्ठय् सभापतित्वकु जु थन्हुय् ज्येखँकु हाबिय् ज्येकुठीय् मूलमि (अध्यक्ष) भाजु मिजेन्द्रकाजी श्रेष्ठ, सक्वदेशय् पुलिस विभागय् प्रहरी निरीक्षक, द्यउ पुजारी भाजु सुजन राजोपाध्याय पउनामिय् ल्याखाकु च्वंगु दउजु हर्स मेमेबुं पाउनां खोइँ दउजु । थन्हु ग्वय् ज्येखँ भाजु लक्ष्मीप्रसाद श्रेष्ठन् सोंकेय् दउ ।
थन्हुय् पत्रकारपिस्त माधव नारायण व श्रीस्वस्थानी बाखन् व व्रतय् लागिन् थापरे हाबिय् स्वयेन् बाँलस्केतु ज्येखँ सोंकैइत दोखुनुं सारदाम दकेइधोङ खँ ताकेर्जु । हाबिय् माधव नारायण द्ययउ ओप्तेचा द्यगल जुकुन् दउजु । आउ घत्कें बाँलस्के सोँटोँत्या दकेच्वङ खँ आम ठाइँकु येङन् क्येन्जु आले आमु द्ययउय् छेँ डोङन् च्वङ लागिन् थिगुरि अलपत्र जुयेन् च्वंगु ठाइँ त गिथि येङन् बाँलस्केइरिले हङ पत्रकारपे ङेङसर् त आउयेउ पोहेँला द्वादशी दुपान् ( पुस, १८ गते) दोखुनु ज्येखँ छिन्केइरि लिसर आउये ज्येकुबिये दमु ।
शालिनदिकु दउ हाबिय् माधव नारायणय् ओप्तेचा द्यउछँे (मन्दिर) आउ ड्वाकु खोइँदयेन्लि सक्वय् महिमा अझ ड्वाकयेउ हङ अनुमान दोखुनु पत्रकारपिसिन् येङ खोइँदत ।
१९९७–०७७–०७८
© 2026 All right reserved to bampijhyala.com | Site By : Sobij
