नेवाः देय् दवुय् येँ महानगरपालिकाय् नाय् मयजु शोभा महर्जन बज्राचार्यय् कजिकु नेवाः देय् दबू येँ महानगरपालिका, येँ जिल्ला समितिय् मूलमि भाजु धन बहादुर तिमिला नापं मेमेबु दुजपेन् ओँगन् येँ महानगरकु नक्क त्याँगन् दिउ मेयर भाजु बालेन्द्र शाह व उपमेयर मयजु सुनिता डंगोल त नाप्लँगन् खँ सिदत ययन चोन । नाप लङ खँ खँकु येँ देशय् विकासय् लागिन् हातिउरि ज्येखँ ग्वयेन् तरै हँग जानकारी काइत ओँग खँ सिदत, आम्तु ब्यलाकु आपेन् निस्म्हातं लसहना बियेन् आपे प्रतिबद्धता ङेङन् यय् खँङ सिदत ययन चोङ दमु ।
नेवाः राज्य हँगन् ड्वाक्कु सर पितकायेन् च्वंगु येँमिपिस्ति लाटान् केरा स्वयेथेँ स्वके तयेन् थिम्हा मधेसय् मूल थलोकु जन्म कायेन् येउ मि आउ येँ दुपान आधिपत्य जम्याङन् ड्वाकु पदकु थ्येंगु खोइँ दत ।

थन्हु येँ महानगरपालिकाय् दोखुनु स्वयेन् ड्वाकु पद मेयरय् मेचकु थ्येँगन् उ येँ महानगरपालिका त भिंकेइय लागिन् हतिइथि ब्वाँगन् च्वन्नसिन् छिजि नेवार छिजि तु जुइमल हँगन् तिम्मुकु नेवार दाजुकिँज तिताकेहेँपेन् ल्हाहा टित्के स्याउदार ओंगु खोन्न उ नेवारपे दुबल गिबिलस्के गुलिटुल्के दउजिन हँगन् खोइँ दत ।

चुनाव जुइस्वयेन् हाखेन नेवारपे घत्कें खलकपिसिन् नेवार बाहेक मेबु गुं जात त त्यात्केइ मजि, नेवारपे अस्तित्व त तांकेइ मजि न्हा हँगन् कुठा प्वाकल, गल्ली, होटल, पार्टी प्यालेस धुन्दु समैबजी नयेन् स्वगुन कायेन् नेवारपिस्त त्यात्केइत दोखुनु थि जुइमल लिचिलिमजि हँगन् प्रतिबद्ध तउ मिपे वचन खेर ओंगु उ चुनाव न बाँलस्के क्येँगन् बिर्जु । आन्थिनु येँ महानगरपालिकाय् क्वमूलमिकु नेवारय् मिचमुचा थिम्हान् नेवारपे न्हास टिक्रेत्के तयेन्बियेन् तयेकु दोखुनु नेवारपेन् रसताइरि बामलकु मखे ।

बालेन्द्र शाह त्याँगन् येउकु गुन्तङ् हातिं गुनासो मद, आमुङ्र थिम्हा उ देशय् नागरिक खेउँ, थउ दक्षता व बुद्धि विवेकन चाके बल पितकायेन् ल्यास्म्हा जोश केँगन् जेयेरि म्वालिउरि बामलकु मखे तर आमु बालेन्द्र शाहय् पहुँचकु थेइँ फउ नेवारपे सन्तानकु मेबु गुनुङ् सक्षम मि मदउ खोइँदउ कारण हातिले ?

नेवारपे गुठीय् लागिन् सिरितु मल्सं लिमचिल्गी हकु सुमन सायमी त उ येँ दुपानय् मिपिसिन् हात्त वास्ता मयेत्चु ? नेपाली काँग्ेसय् सृजना सिं हात्त बुत ? हाबिय् पटक न दोखुनु स्वयेन् येक्कु भोट हायेन् त्यात्केउ ड्वाक्कु राजनीतिक दल नेपाल कम्युनिष्ट पार्टी एमाले खेन्नलान् त्याङन् येउ मेयर विद्या सुन्दर शाक्य आले आमु स्वयेन् हाखेन थापरेय् प्रत्यासी उमेदवार केशव स्थापित मेयर जुयेन् ज्ये येरि धोन्केय् खेउँ । आमु निस्म्हाय् ज्ये गिनागु जुर, गुलि ज्ये येत्चु हँग खँ येँमिपिसिन् थुयेन् तरै । आन्थिनु थापरेय् चुनावकु एमालेलान् डोंगु मेयर न त्यात्केइ मफर्जु हात्तले ?

वय् लिसर हँग तु केशव स्थापितय् ज्ये उकुय् मिपिस्त मनपरै म्वजुजिन हँग खँ सिदत । थिखन केशव स्थापित न न्वन्हाय् खँपेन् तर्कसंगत खोइँमदउ जुर मेबुखेन्नलान् स्वर्नसिन् एमालेय् बगालकु ल्हाहा ठ्याङन् झण्डा ज्वँगन् जुपेन् ज्येमिपेन् स्वयेनुं खँ सउपेन् ।

ज्ये येरिसउपेन् गुलिं ल्यास्म्हा ल्यासिमिसापेन् दके दके हाबिय् मि त तु चुनावकु ल्वाप्ठोइँरि एमालेय् कमजोरी खोइँ दत । यदि एमालेन् सुमन सायमी त थिगुर नेवारय् ल्याखान् त्वार्त बिये जुर्स त्यारिफउजु ।

आले मेबु खँ नेपाली काँग्रेसलान् ल्वाप्डोंगु गणेशमान सिंय् इरिमुचाय् नाम तयेन् सृजना सिं त ल्वाप्ठोइँरिं मखेउ खँ जुर, हात्त हर्स न्हुलु पुस्ताय् ओन्सामी मिसामी येक्कु दउ जु, उपे खलक जुकुन् नेवारपेन् खेउँ हँग दम्भन् येत्नसिन् नेवारपिसिन् तु नेवारपिस्त भोट म्वथ्वङन् बालेन्द्र शाह त त्यात्केय् खँ त मखेजेउ हँगन् हरिमजिउ खोइँ दत ।

बालेन्द्र शाहय् थउ निजी व्यहोरा स्वर्नसिन् बामलकु खोइँ मद, ल्यास्म्हा मि खेउँ, बल दमु, बुद्धि दमु, खँ ल्हाइ सर, सकृय जुइत लिमचिल आन्थिनुं नेवारपे लागिन् लास्चाइदउ खँ खोइँ दयेन् येर । क्वमूलमि (उपमेयर) मै सुनिता डंगोल न हाये भोटय् ल्याखा स्वर्नसिन् एमाले त सहमतयेकु दुजपिसिन् जुकुन् मखे मै सुनिता त नेपाली काँग्रेस, नेकपा माओवादीखेन्नय् मिपिसिन् टुल्के भोट थ्वँगन् त्यात्केय् खोइँदमु ।

हात्तहर्स सुनिता थिम्हा येउता ज्येखँकुं चलाक, दिमाग ल्यारिफउ सक्षम व्यम्तित्व दउ भिंगु टोंगु मिसामि खेउँ । उ खँ त दोखसेनुं मनकु तयेन् ग्वाहार बियेन् हाखेन येइँरि ज्येयेरिमल । बालेन्द्र शाह नेवारय् समुदाय दुपानय् मखेर्सं थउ ठाइँ दकेइ हँगन् ययेन् च्वंगु त सही सत्य व्यवहार येँगन् भिंकेइलौ ।