Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
देश विदेश लितं थलाकु च्वइँमल्गु ब्याला येर, हाबिङ् खा चिला खोरकु कुङथें कुङन् च्वइँ मल्दन । थउ न थउ त थितं घ्याङन् च्वइँ मल्दन । न नइ त स्वाद येउ, न सास काइ त सहज जु जु ।
आउ ओमिक्रोन हङ महामारी व्यथा येर हँ, उ हाबिय् स्वयेनुं घ्यारदउ व्यथा हतहिन् विशेषज्ञपिसिन् आनाग्ये खँ सरहिन् न्हुलु न्हुलु व्यथाय् खँ पित हारहिन्, दोखुसेतं होस् दके च्वइँ खँलान् तु भाउ येतहिन् आन्थिनुं मिपिस्त भातिचां चेतना पित माया, ज्ञान काइ मफउ । साङत पे नाप ग्वार्मुङन् च्वइँ मदर्स नयेतेक् माङा । साङपेन् तुका थउ खेङ् व्यथा वा थउ मखे हङ खँ थुकेइ मफहिन् ।
उ ओमिक्रोन हङरि हाति ले ? उन् गिनागु व्यथा पित कारै ? यिनागु खँ थुकेइ मल्गु ब्याला येर ।
उङ थिगुर हाबिय् कोभिड-१९थिनागु तु घ्यार्दउ व्यथा खेउँ, तर उ हाबिय् स्वयेन् सोँगुना घत्के घ्यार्दउ खेङ्, बिस्तार्न थियेन् लिबि बेस्न चापेकुखाले उ व्यथा थिमालान् थिपुल्नं झिमाटुल्के थि फरै । उये लक्षण यिनागु खोइँ दमु,
हातिं नइ मायाइरि,
म्वग्र बेस्न स्यारिरि,
क्वन् पुइथें जुयेन् क्वाङन् येइरि,
देसान्न ज्वइँरि,
छेर स्यारिरि… थिनागु मेबुं !
इथि जुर्न वासर नयेनुं हत्तपत्त लाइ ठाकइ फरै । हाबिय् कोरोना बिस्तार्न मेपिस्त थायेन् वंगु हर्स उरि थिपुल्नं झिमा टुल्के पुन्द उइँ फरै । आउ वये लागिन् हाति येर्स बाँलकु जुयेउले हर्स…,
थउत यिनागु लक्षण खोइँ दत हर्स याकर्चा ब्यागल च्वइँमल,
क्वाकुलोखु त्वइँमल,
मास्क त्वार्मतयेन् तइमल,
ठाकउ ज्ये मयेङन् आराम काइमल,
सुन्हितु डोङन् योगायेरि मल,
सास कार्न टाहागके दुत पित येरिमल,
भातिचा मफये कत्नङ् एन्टिवायोटिक थिनागु वासर नइमजि,
आले सुन्हिय् निभारकु घटिकुं निस्/सों घडी च्वइँमल,
गेडागुडीय् ती त्वइँमल ।
उ ब्वय् खँ थन्हुय् ब्वङ पति धुन्दु पितकायेन् तय् दमु । गिबिङ् हुलखेन्न म्ववङन्, लकुफकु मनयेन् च्वङन् थउ ज्यान् त थउ तु स्याहार येरिउरि ज्ञान थउङ् कायेन् मेपिस्तं स्येइँलौ ।
१९९७–०७७–०७८
© 2026 All right reserved to bampijhyala.com | Site By : Sobij
