नेपाल सम्वत् ११४५, तछलागाः १ (२९ जेष्ठ, २०८२/ १२ जुन, २०२५) बिहीबार, येँ । बागमती प्रदेश संस्कृती मन्त्रालयय् ग्वाहारकु नेवाः देय् दवु केन्द्रिय समिती (२६–२७ जेष्ठ, २०८२/ ९–१० जुन, २०२५) कु नेपाल भाषा मानकिकरण ज्य खँ धोन्केर्जु । दवुय् नायः भाजु पवित्र बज्राचर्यय् नायत्वकु काभ्रे पलाञ्चोक जिल्लाय् पनौतीकु डाईमण्ड हिल साईड रिर्सोटकु सम्पन्न जुउ आमु मानकिकरण ज्य खँय मुल पाउँना दुवुय् हाखेनय नायः संरक्षक भाजु नरेश ताम्राकार मुल आतिथ्यताकु जुउ खेउ । 

आन्थितु विशेष पाउँनाकु बागमती प्रदेश सासंद मयजु समिता खड्गी, नेपाल भाषा आयोगय् नायः भाजु सुरेश किरण मानन्धर, त्रिभुवन विद्यालय नेपाल भाषा केन्द्रिय बिभागय् हाखेनय मुलमी प्रा.डा.ओमकारेश्वर श्रेष्ठ, त्रिभुवन विद्यालय नेपाल भाषा केन्द्रिय बिभागय् मुलमी प्रा.राजनलाल जोशी, विराट नेपाल भाषा साहित्य सम्मेलन गुठीय् नायः अले नेपाल भाषा एकेडेमीय सदस्य सचिव महेन्द्र गोपाल कर्माचार्य, नेपाल भाषा एकेडेमीय् उपकुलपती अले सल्लाहकार भाजु पुष्पराज कर्णिकार जायन दिएन चोङन दिउतन् ।

नेपाल भाषा मानकिकरण अले थि थि ज्यखँय बारेकु त्रिभुवन विद्यालय नेपाल भाषा केन्द्रिय बिभागय् हाखेनय मुलमी प्रा.डा.ओमकारेश्वर श्रेष्ठ, त्रिभुवन विद्यालय नेपाल भाषा केन्द्रिय बिभागय् मुलमी प्रा.राजनलाल जोशीन् सिके व सेन्के दिरहिन् ।

नेपाल भाषा लेखन प्रणालीय् बारेकु नेपाल भाषा आयोगय् नायः भाजु सुरेश किरण मानन्धर, बर्तमान लेखन व समस्याय् बारेकु नेपाल भाषा एकेडेमीय् उपकुलपती अले सल्लाहकार भाजु पुष्पराज कर्णिकार व मानकीकरणय् बारेकु नेपाल भाषा एकेडेमीय सदस्य सचिव महेन्द्र गोपाल कर्माचाय नेतृत्वकु ठोलीबोली यङ दउजु । 

निस्नु टुल्ले हिल्केय उ ज्य खँ दवुय कोकजी भाजु उमेश स्थापित व मुलछ्याञ्जे भाजु सत्यनारायण डंगोलन हिल्के दउजु । आमु ज्यखँकु ७० गुर जिल्लालान् ९० म्ह विज्ञ, प्रतिनिधी व पालीकाय् मुलमिपिसिन् ब्व कायन् दिए दउजु । 

ईतितु द्वाल्खालान् भीमेश्वर नगरपालीका वडा ल्याखाः २ नायः भाजु स्टालीन श्रेष्ठ, नेवाः देदवु बागमती प्रदेश केन्द्रिय कोकजी शान्त श्रेष्ठ व केन्द्रिय सदस्य भाजु उपेन्द्र प्रधानन् ब्व कायन दिए खेउ ।

मानकिरण करण हङ हाति ले ?
बागमती प्रदेश सरकारन बागमती प्रदेश दुपाना सरकारी ज्य खँकु नेपाल भाषा व तामाङ भाषात मान्यता विईरी हङन घोषणा यरी धोन्के खँ थपेन दोखुसेत लुँओन्के विरगु । उतु खँय सिलसिलाकु नेपाल दुपान स्वःनिगय येँ, यले व ख्वपे दुपान चोङन दिउ नेवारपिसिन् न्हुन हाय नेपाल भाषा बाती बाती पाउँ दमु हर्स । ईथितु द्वाल्खाकु चोङन दिउ द्वाल्खाय् नेवार पिसिन् न्हुन हाय् अले ओखर पौवा खेन्न चोङन दिउ बलामी पिसिन् न्हुन हाय नेपाल भाषा पाउँ खोईदमु । ईथि जुयलागिन् उ भाषापिस्त गिथी थिठाँई तयन छ्यालीकु हाईरी हङन बागमती प्रदेशय ग्वाहारकु मानकिकरण ज्यखँङ सम्पन्न यङ खेउ ।

मानकिकरण हङन भाषा भिन्न जुर्सङ थिठाई तयन गिथी यङन् छ्यालीकु हाईत थिठाँई गिथी चोङन हाखेन ओङन नाप छ्याङन् छ्यारीउरी हङ ज्य खँतु मानकिकरण खेउ । वय बारेकु निस्नु टुल्लेख छलफल जुर । छलफलकु मानकिकरण गिथी यरीउरी हङ खँकु गिवि गु नेवारी जातीय बाहुल्यता दमु आकु आमु जातिय थउ दउ नेपाल भाषा छ्यालीउरी प्रदेशकु ओन्ङ नेपाल भाषात् मान्यता वियन उईरी हङ खँ जुयन चोन । 

आन्तिथु लिपीकु दोखुनु सोयन ड्वाकु व महत्व दउ ठाँईकु रञ्जना लिपी छ्यालीउरी आले मेवु ठाँईकु थउ थउ न्हुन हाय् नेपाल भाषा छ्यालीउरी हङ खँ जुयन चोन । उ दोखुनु चोय खँय प्रतिवेदनपेन बागमती प्रदेशकु पेश यरी धोङन्ली आकुलान् जवाफ विई धोङन्ली जुकुन हाती अले गिथी जुयन हङ खँ सिई दयउ हङन् दवुय नायः भाजु पवित्र बज्राचायन् हङन दिरहिन् ।