नेपाल सम्वत् ११४२ पोहेँलाथ्व अष्टमि ( २०७८ पौष २६ गते )
बिस्तार्न ताङन् उइँदोंगु ड्वाक्कु देसान् ( कोभिड-१९) लितं थातयेउ खोइँदयेन् ययेन्लि येँ, यल व ख्वपदेशय् अस्पताल व तराईखेन्न मुल देशय् अस्पतालकु मफउ मिपे चाप घत्के खोइँ दत । वंगु नस्न्हु च्यान्हुय् ल्याखाकु मेघन्नसि झन् घत्के मफउ मिपेन् अस्पतालकु वासर येरिलागिन् भर्ति जुरयेउपेन् येक्कु खोइँदउ खँ उ कोभिड-१९ संकट व्यवस्थापन समन्वय केन्द्रन् आउ न लिरि उ ज्येखँ कु घत्के होस दके मिपिस्त जानकारी बियेन् हुलमुल जु ठाइँकु निगरानी येरिमल्गु जुर हङन् आनागु ज्ये खँ प्वँइरि व्यवस्था येरित सरकार त सिफारिस येङन् तय् खँ सिदयेन् येउ दमु ।
उ ब्यालाकु ब्वङ कुठीकु आखर ब्वन्द वंगु मुचापेन् व छेंकु तु च्वंगु जुर्सं बुढाबुढीपिस्त उ व्यथान् चाडं ज्वङन् मफकेइ फरै हङन् दोखुसेतं उ खँय् जानकारी बिमल्गु दमु हङन् नेपाल सरकार त सिफरिस येङ खेङ् ।
उ कोभिड-१९ त प्वंगु निस्गुरूं खोप काइदोन्सं माकाउपिस्त उ व्यथान् थियेन्लि आमुलान् तु मेपिस्त किङन् पुङन् उइँफरै, उ कारण्न तु झिम्निस्दँन्नसि झिम्नस्दँ टुल्के मुचापिस्त उ खोप काकेइत गुलि फरै आम्लि चाँड सरकार न व्यवस्था येरिमल्गु जुर हङन् समन्वय समितिन् खँ पितकायेन् तरै ।
आन्थितु झिम्च्यादँन् थात दउ ब्वंगु मुचापिस्त, बामापिस्त, गुरुपिस्त गुलिफरै आम्लि चाँड खोप काकेइत स्वास्थ्य व जनसंख्या मन्त्रालयन् खँ हाखेन हाइमल्गु दमु हङन् तरै ।
उ तु कारण्न समन्वय समितिन् ग्वय् खँ त आधार बियेन् थनहुन्नसि तु नेपाल देशय् दोखुनुं ब्वङ कुठीपेन् टिये खँ पित येइदोन्जु आले घत्केथें ब्वङ कुठी आइतवार न नसितु टिइदोन्केय् खँङ् सिदत ।आन्थि तु ड्वाकु ड्वाकु पार्टी येङन् मिपेन् ग्वार्मुइँ मद हङन् तरै ।
हातिङ् सभा कुठीय् ज्ये खँपेन् येरितु मल्दन हर्सं निङाम्हान् थात ग्वार्मुइँ मज्यू खँ हङन् तरै । गिबिङ पित उइँ मल्दन हर्स हवाइजहाज, सोंगुकिपा कुठी, प्याखन् कुठी येले वन्सं थउ न कोभिडय् निस्पुलुङ् खोप काये भ्वँर अनिवार्य ज्वङन् जुकुन् उइँमल्गु नियम दकेय् खँङ् थन्हुय् विज्ञप्तिकु हङन् तय् खँ सिदत ।
सरकार न नेपाल देशकु दुतयेउ सिमानाकु कडाइ येरिमफर्स उ व्यथा पोइँत ठाकयेउ हङ खँङ् जानकारी बियेन् तरै ।