Sep 17 2026 | २०८३, आश्विन १ गते
२०८३, आश्विन १ गते
Sep 17 2026 | २०८३, आश्विन १ गते
नेपाल सम्वत् ११४६, यंलाथ्वः ६, षष्ठी (१ असोज २०८३, १७ सेप्टेम्वर, २०२६) बिहीबार, बाँपिझ्याला । सङ्घीय संसद्को प्रतिनिधिसभाको बैठक बिहीबार अपराह्न १ बजे सिंहदरबारमा बस्दैछ । बैठकमा सामुद्रिक जैविक विविधताको संरक्षण र दिगो प्रयोगसम्बन्धी अन्तर्राष्ट्रिय सम्झौतामाथि छलफल हुने सम्भावित कार्यसूची रहेको छ ।
बैठकमा कानुन, न्याय तथा संसदीय मामिलामन्त्री सोविता गौतमले ‘संयुक्त राष्ट्र सङ्घीय सामुद्रिक कानुनसम्बन्धी महासन्धिअन्तर्गत राष्ट्रिय क्षेत्राधिकारभन्दा बाहिरका क्षेत्रका सामुद्रिक जैविक विविधताको संरक्षण र दिगो प्रयोगसम्बन्धी सम्झौतामाथि सामान्य छलफल गरियोस्’ भन्ने प्रस्ताव प्रस्तुत गर्नुहुनेछ ।
यस सम्झौताले राष्ट्रिय क्षेत्राधिकारभन्दा बाहिर रहेका समुद्री क्षेत्रको जैविक विविधताको संरक्षण तथा त्यसको दिगो प्रयोगसँग सम्बन्धित विषयलाई समेटेको छ । प्रस्तावमाथि प्रतिनिधिसभामा छलफल हुने कार्यसूची तय गरिएको हो ।
यसैबीच, बिहीबार विभिन्न तीन वटा संसदीय समितिको बैठक पनि बस्दैछ । सङ्घीय संसद् सचिवालयका अनुसार अन्तर्राष्ट्रिय सम्बन्ध तथा पर्यटन समिति, राज्य व्यवस्था तथा सुशासन समिति र विकास, आर्थिक मामिला तथा सुशासन समितिको बैठक बस्नेछ ।
समितिका बैठकमा सम्बन्धित विषयमा छलफल तथा आवश्यक निर्णयका लागि कार्यसूची तय गरिएको सचिवालयले जनाएको छ ।
१९९७–०७७–०७८
© 2026 All right reserved to bampijhyala.com | Site By : Sobij
