मुदायप्रतिको सामाजिक उत्तरदायित्वलाई प्राथमिकतामा राख्दै लायन्स क्लब अफ काठमाडौं महालक्ष्मी युथको आयोजनामा भाद्र ६ गते शनिबार रक्तदान कार्यक्रम सम्पन्न भएको छ। ‘Rooted in Service: Our Community, Our Responsibility’ भन्ने मूल भावनासहित आयोजना गरिएको कार्यक्रममा निर्धारित लक्ष्यभन्दा बढी रगत संकलन भएको छ।

कार्यक्रममा ५० पिन्ट रगत संकलन गर्ने लक्ष्य राखिएकोमा उत्साहजनक सहभागिताका कारण ५२ पिन्ट रगत संकलन भएको आयोजकले जनाएको छ। रक्तदानमा स्थानीय समुदाय, युवा, सामाजिक अभियन्ता, क्लबका पदाधिकारी तथा सदस्यलगायत विभिन्न क्षेत्रका व्यक्तिहरूको सहभागिता रहेको थियो।

रक्तदानमार्फत मानवीय सेवामा योगदान पुर्‍याउने उद्देश्यले आयोजना गरिएको कार्यक्रमले समुदायमा सामाजिक उत्तरदायित्व र सहयोगको भावना अभिवृद्धि गर्न महत्वपूर्ण भूमिका खेलेको आयोजकको भनाइ छ। रक्तको अभावका कारण उपचारमा समस्या भोगिरहेका बिरामीलाई सहयोग पुग्ने भएकाले नियमित रक्तदान आवश्यक रहेकोमा पनि कार्यक्रममा जोड दिइएको थियो।

कार्यक्रमको सफल आयोजनामा Friends of Lazimpat Community Organization सह–आयोजकका रूपमा रहेको थियो। त्यस्तै T.U. Lions Blood Bankले प्राविधिक सहयोग उपलब्ध गराएको थियो भने सामुदायिक प्रहरी सेवा केन्द्र र नीलसरस्वती मन्दिर परिवारले समेत आवश्यक सहयोग तथा सहकार्य गरेका थिए।

आयोजक लायन्स क्लब अफ काठमाडौं महालक्ष्मी युथले कार्यक्रम सफल बनाउन प्रत्यक्ष तथा अप्रत्यक्ष रूपमा सहयोग गर्ने सम्पूर्ण संघसंस्था, सामाजिक अभियन्ता, रक्तदाता, स्वयंसेवक तथा शुभेच्छुकप्रति आभार व्यक्त गरेको छ। विशेषगरी यस टोलका युवा समाजसेवी प्रविन श्रेष्ठलाई कार्यक्रम सफल बनाउन पुर्‍याएको योगदानका लागि विशेष धन्यवाद दिइएको छ।

त्यसैगरी कार्यक्रममा आर्थिक सहयोग, सहभागिता, व्यवस्थापन तथा विभिन्न किसिमको सहकार्य गर्ने क्लबका सम्पूर्ण पदाधिकारी तथा सदस्यहरूको योगदानको पनि आयोजकले प्रशंसा गरेको छ। सामूहिक प्रयास र समुदायको सक्रिय सहभागिताबाट मात्रै यस्ता सामाजिक तथा मानवीय अभियान प्रभावकारी बन्न सक्ने आयोजकको भनाइ छ।

कार्यक्रममा डिष्ट्रिक्टबाट विभिन्न पदाधिकारी तथा प्रतिनिधिहरूको समेत उपस्थिति रहेको थियो। कार्यक्रममा T.U. Lions Blood Bank का एलिट डिपार्टमेन्ट प्रमुख लायन प्रेमराज पौड्याल, सोही बैंकको कार्यसमितिमा रहनुभएका लायन अमित थापा, लायन्स क्लब अफ काठमाडौं महालक्ष्मी युथका पूर्वअध्यक्ष तथा डिष्ट्रिक्ट चियर पर्सन लायन लक्ष्मण श्रेष्ठ, रिजन चेयरपर्सन लायन कलावती श्रेष्ठ लगायतको उपस्थिति रहेको थियो।

त्यस्तै, लायन सावित्री खड्का, अध्यक्ष, लायन्स क्लब अफ काठमाडौं महालक्ष्मी युथलगायत क्लबका पदाधिकारी तथा सदस्यहरूको सक्रिय सहभागिता रहेको थियो। डिष्ट्रिक्टबाट उपस्थित पदाधिकारीहरूले रक्तदानजस्तो महत्वपूर्ण मानवीय सेवाको अभियान सञ्चालन गरेकोमा क्लबको प्रशंसा गर्दै आगामी दिनमा पनि समुदाय केन्द्रित सामाजिक कार्यक्रमलाई निरन्तरता दिन शुभकामना दिएका थिए।

रक्तदान कार्यक्रममा सहभागी रक्तदाताहरूले आफ्नो केही समय रगत दिएर अरूको जीवन बचाउन सहयोग गर्न सकिने भएकाले रक्तदानलाई मानवीय सेवाको महत्वपूर्ण माध्यमका रूपमा लिनुपर्ने बताएका थिए। दुर्घटना, शल्यक्रिया तथा आकस्मिक उपचारका क्रममा रगतको माग हुने भएकाले नियमित रक्तदानले रक्त अभाव न्यूनीकरणमा महत्वपूर्ण सहयोग पुर्‍याउने उनीहरूको भनाइ थियो।

लायन्स क्लब अफ काठमाडौं महालक्ष्मी युथले आयोजना गरेको यस अभियानमा ५० पिन्टको लक्ष्य राखिए पनि ५२ पिन्ट रगत संकलन हुनु कार्यक्रमप्रतिको समुदायको उत्साहजनक सहभागिताको प्रमाण भएको आयोजकले जनाएको छ। क्लबले आगामी दिनमा पनि स्वास्थ्य, शिक्षा, सामाजिक सेवा तथा समुदायको आवश्यकतासँग जोडिएका विभिन्न कार्यक्रम सञ्चालन गर्दै जाने प्रतिबद्धता जनाएको छ।

‘Rooted in Service: Our Community, Our Responsibility’ भन्ने नाराले समुदायप्रतिको जिम्मेवारी र सेवाभावलाई केन्द्रमा राखेको क्लबको अभियानले सामाजिक एकता, सहकार्य र मानवीय सेवाको सकारात्मक सन्देश दिएको छ। कार्यक्रम सफल बनाउन सहयोग गर्ने सम्पूर्ण रक्तदाता, संघसंस्था, प्राविधिक टोली, स्वयंसेवक, क्लबका पदाधिकारी तथा सदस्य र शुभेच्छुकहरूप्रति लायन्स क्लब अफ काठमाडौं महालक्ष्मी युथले हार्दिक धन्यवाद ज्ञापन गरेको छ।