Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४६, बछलागाः १३ त्रयोदशी (१ जेष्ठ, २०८३, १५ मे, २०२६) शुक्रबार, बाँपिझ्याला । दोलखा उद्योग वाणिज्य संघको अध्यक्षमा सनत थापा निर्वाचित भएका छन् । सम्पन्न निर्वाचनमा थापाले ४६२ मत प्राप्त गर्दै विजय हासिल गरेका हुन् । उनका निकटतम प्रतिद्वन्द्वी दिनेश पाठकले ३५९ मत पाए । थापाले पाठकलाई १०३ मतान्तरले पराजित गरेका हुन् ।
निर्वाचनमा अध्यक्षसहित थापा नेतृत्वको सम्पूर्ण प्यानल विजयी भएको छ । वरिष्ठ उपाध्यक्षमा प्रविण श्रेष्ठ ४४९ मतसहित निर्वाचित भए भने उपाध्यक्षमा विवेककुमार खत्री ४४२ मत ल्याएर विजयी भए । महिला उपाध्यक्षमा कल्पना श्रेष्ठ ५०० मतसहित निर्वाचित भएकी छन् ।
महासचिवमा सुरेश उप्रेती पुनः निर्वाचित भएका छन् । उनले ४९७ मत प्राप्त गर्दै दोस्रो कार्यकालका लागि निरन्तरता पाएका हुन् । सचिवमा अनिल रिजाल ४४५ मतसहित विजयी भए भने कोषाध्यक्षमा रामशरण बस्नेत ५२६ मत ल्याएर निर्वाचित भएका छन् ।
यस निर्वाचनलाई दोलखाको व्यवसायिक र राजनीतिक क्षेत्रले चासोका साथ हेरेको थियो । थापा प्यानलको पूर्ण विजयसँगै एमाले–रास्वपा समर्थित गठबन्धन पराजित भएको छ ।
१९९७–०७७–०७८
© 2026 All right reserved to bampijhyala.com | Site By : Sobij
