नेपाल सम्वत् ११४६, कछलागाः ११, एकादशी (२९ कार्तिक, २०८२, १५ नोभेम्वर, २०२५) शनिवार, बाँपिझ्याला । सफल सहयात्री महिला समूह दोलखाको सक्रियतामा यही कार्तिक १ गते शनिवारदेखि संचालनमा ल्याएको हाटबजार आजदेखि चोथौ हप्तामा प्रवेश गदै एक महिना पुरा भएको छ । अर्को शनिवार मंसिर ६ गतेदेखि एकमहिना पुरा गरी दुईमहिनामा हाटबजार प्रवेश गदैछ । 

यस हाटबजारको संयोजन स्थानिय युवा समाजसेवी अजय प्रधानको रहेको छ । जसको लागि भीमेश्वर नगरपालीका वडा नं. २ का वडाध्यक्ष स्टालिन श्रेष्ठको विशेष सहयोग रहेको छ ।

अहिले चारहप्तासम्म हाट सञ्चालन गर्दा के के समस्या आयो ? के के सामानहरु विक्री भयो ? के के सामानहरुको स्थानिय रुपमा माग छ ? कुन कुन अन्नपात उब्जनी गर्नु पर्छ ? कुन कुन बालीहरु आ–आफ्नो खेतबारीमा उब्जाउने ? कुन कुन बालीनाली उत्पादन गर्ने ? यी आदी कुराहरु अहिले हाटबजारमा संलग्न महिला समूहका व्यवसायीहरुले थाहा पाउनु भएको होला । यदी थाहा पाउनु भएको छैन भने यी कुरा थाहा पाउन् जरुरी रहेको छ ।

यसै गरी भीमेश्वर नगरपालीका भित्रका सवै किसानहरुलाई अनिवार्य हाटबजारमा आ–आफ्नो उत्पादन सहीत उपस्थित गराउन पहल गर्ने, वातावरण बनाउनु पर्ने अर्को महत्वपूर्ण कार्य रहेको छ । यसै गरी वडाको आसपास सिमानामा पर्ने गाउँघर, पधेराबाट सामाग्री बेच्न ल्याउन आमन्त्रण गर्ने सोही अनुसार वातावरण तयार गर्नु पर्छ । यसको लागि सामानको माग र बजार भाउ सम्वन्धी जानकारी दिलाउनु पर्ने हुन्छ । साथै आमन्त्रण गरी सूचना प्रवाह गर्नु पर्छ । 

हाम्रो दैनिक जिवनमा आवश्यक पर्ने खाद्यान्न, खानपान र उपभोग्य सामाग्रीहरु जस्तै कालो मास, मस्याङ, बोडि, भटमास, फापर, मकै, कोदो, गहुँ, चामल लगायत घट्टमा पिसेको बिभिन्न पिठोका परिकारहरु बनाई बेच्नको लागि सल्लाह दिन उपयुक्त होला । सोही अनुसार व्यवस्थापन पक्षले ध्यान दिनु आवश्यक रहेको छ । यसको लागि स्थानिय सरकार वडा, पालीकाले वातावरण बनाई दिन आग्रह सहित अनुरोध गर्दछु ।

यसै गरी बेमौसमी तरकारीहरु, घरेलु उत्पादनका सामाग्रीहरु जस्तै कुचो, खरेटो, नाम्लो, डालो, थुन्से, डोको, घुम्टो गुन्द्री, चकटी र चप्पल लगायतका उत्पादनको लागि तालिम दिलाई प्रवद्र्धनमा सहयोग गर्नु अर्को महत्वपूर्ण जिम्मेवारी रहेको छ ।

हाटबजार संचालन बारे भीमेश्वर नगरपालीका वडा नं. २ का वडाध्यक्ष स्टालिन श्रेष्ठ भन्नु हुन्छ, दोलखामा हाटबजार पहिला पहिला पनी सञ्चालनमा थियो । तर पछिल्लो चरणमा मात्र बन्द भएको हो । यसलाई हामीले पुनः निरन्तरता दिएका छौं, साथै यस कार्यको लागि दोलखाका युवा समाजसेवी अजय प्रधान, नरेन्द्र श्रेष्ठ लगायतका युवाहरुको सहयोग सद्भाव र सल्लाहमा यो हाटबजार अगाडी सञ्चालनमा ल्याई अगाडी बढाएका छौं । जसको प्रत्यक्ष अप्रत्यक्ष प्रभाव विशेषतः सफल सहयात्री महिला समूहमा आवद्ध महिला दिदीबहीनीहरुलाई पुगेको छ । जुन कार्यले गर्दा उहाँहरुको आयआर्जन बृद्धिमा थप टेवा पुगेको छ ।

अर्को तर्फ करेसाबारीको उत्पादनले स्कुल पढ्ने विद्यार्थीहरुका लागि अर्को सहयोग पुगेको छ । विद्यार्थीहरु शुक्रवार बेलुका घर जान्छन् आफुले फलाई रहेको उत्पादन जम्मा गरेर भोली पल्ट शनिवार हाटमा ल्याएर विक्री गछन् । यसले पढाईमा थप सहयोग पुगेको छ । यसै गरी स्थानिय होटेल व्यवसायी र वासिन्दाहरुलाई ताजा तरकारी लगायत अन्य उत्पादन आफ्नै घरआगनमा उपलब्ध हुँदा थप सुविधा भएको छ ।

यसै गरी अहिले हाटबजार जुन ठाउँमा सञ्चालनमा ल्याएका छौं । त्यही ठाउँमा सञ्चालन हुन्छ र पछी यसलाई पाखलती आसपासको खाली जग्गा हेरेर व्यवस्थीत गर्दै अगाडी बढाउने वडाले लक्ष्य राखेको छ भनी बताउनु भयो । 

हाटबजार व्यवस्थापन समितीका संंयोजक युवा व्यवसायी अजय प्रधान भन्नु हुन्छ, दोलखामा बिक्रिको लागि ल्याईएको सामाग्रीहरु फर्काउनु पदैन बरु उपभोक्ताको माग भने पूर्ति गर्न गाहे परेको छ । यसै गरी दोलखा भीमेश्वर दर्शन गर्न आउनु हुने भक्तजन महानुभावहरुले दोलखामा उत्पादन भएको ताजा तरकारी लगाएत अन्य उत्पादनहरु लैजानको लागि आतुर छन् । यसले गर्दा दोलखा स्थानिय किसानहरुलाई थप उर्जा प्रदान गरेको छ । जसले गर्दा कृषि उत्पादनमा स्थानिय वासिन्दाको आकर्षण बढ्दै गएको पाईन्छ ।

यस कार्यको लागि युवा व्यवसायी एवं समाजसेवी अजय प्रधान, वडाध्यक्ष स्टालिन श्रेष्ठ र हाट बजारमा संलग्न महिला व्यवसायीहरु विच छलफल हुन जरुरी रहेको छ । साथै जति सकिन्छ त्यती प्रचार प्रसारमा ध्यान दिनु आवश्यकता रहेको छ । यसको लागि सामुहिक छलफल गरेर अगाडी बढ्दा उपयुक्त हुन्छ ।