नेपाल सम्वत् ११४६, कछलागाः ३, तृर्तिया (२२ कार्तिक, २०८२, ८ नोभेम्वर, २०२५) शनिवार, बाँपिझ्याला । भीमेश्वर नगरपालीका वडा नं. २ पाखलतीमा सफल सहयात्री महिला समुहको व्यवस्थापनमा सन्चालन भईरहेको “भीमेश्वर साप्ताहिक हाट बजार” सञ्चालन आज चौथो हप्ता पुगेको छ ।

यही कार्तिक महिनाको १ गते शनिवारदेखि आज २२ गते शनिवारसम्म आईपुग्दा हरेक हप्ता नयाँ किसान, नयाँ सामाग्रीहरु थपिदै गईरहनुका साथै स्थानिय किसानहरुमा उत्साह र जागर पैदा हुदै गएको छ भनी हाटबजार व्यवस्थापनमा प्रत्यक्ष सहभागी भई सहयोग गदै आउनु भएका युवा व्यवसायी समाजसेवी अजय प्रधानले बताउनु भयो । 

यसै गरी यो हाटबजारमा स्थानिय उपभोक्ता, होटेल व्यवसायी र दोलखा भीमेश्वर दर्शन गर्न आउनु हुने आन्तरीक तथा बाह्य पर्यटकहरुको राम्रो आकर्षण रहेको समेत उहाँको भनाई रहेको छ । साथै उपभोक्ताको माग अनुसार हाटबजारमा सामाग्रीहरु उपलब्ध गराउन गाहे भएपनी यसलाई सुधार गदै  मागको पूर्ति गर्नु पर्ने प्रधानको भनाई रहेको छ । 

वर्षौदेखि व्यवसाय सञ्चानल गदै आएका यहाँका स्थानिय व्यवसायिहरुले विहानको मूल्य र बेलुकाको मूल्य ग्राहक र मान्छे अनुसार फरक व्यवहार गर्दै आईरहेका पिडाबाट केही भएपनी सहजता भएको स्थानिय उपभोक्ताको भनाई रहेको छ । 

स्थानिय किसानहरु आफुले खानको लागि खालि जमिन छ भनी विउ छरेको भरमा उम्रेको उत्पादनमा अचानक हाटबजारमा ल्याएर बेच्दा भाउ तलमाथि हुने भएपनी उहाँहरुलाई बजारमा पुग्ने वातावरण बनाउनु पर्ने स्थानिय सरकार लगायत हामी सवैको जिम्मेवारी अनी दायित्व रहेको छ । उत्पादन प्रशस्त र खपतमा कमि हुन थाले पछि गर्नु पर्ने व्यवस्थापन त बाँकि नै छ ।

तर अहिले जम्मा १०मुठा साग बोकेर आउने किसान संग एक हप्ता अघि पसलबाट १ सय ३० रुपैया के.जि.मा रायोको साग किनेको दोलखाका स्थानिय व्यवसायी र उपभोक्ताहरुले आज १५ रुपैया मुठामा किसानबाट साग पाउँदा स्थानिय उपभोक्ताले अवसर प्राप्त भएको महशुष गरेकाछन् ।

अहिले किसानहरुको उत्पादन र किसानलाई सिधै बजारमा ल्याईरहेको अवस्थामा उहाँहरुलाई हौसला दिदै व्यवस्थित गर्नु हामी सबै सरोकारवाला निकाय र उपभोक्ताहरुको प्रमुख दायित्व हुने भएको हुँदा सबैले आ–आफ्नो ठाउँबाट सहभागी भई सहयोग गर्न हाम्रो तर्फबाट आग्रह सहीत अनुरोध गर्दछौं ।