Aug 20 2026 | २०८३, भाद्र ४ गते
२०८३, भाद्र ४ गते
Aug 20 2026 | २०८३, भाद्र ४ गते
नेपाल सम्वत् ११४५, थिलाथ्वः १४ (२९ मंसिर, २०८१, १४ डिसेम्वर, २०२४) शनिवार, बाँपीझ्याला । टाइगर श्राफको प्रतीक्षित बलिउड फिल्म ‘बागी ४’ यतिबेला चर्चामा छ । फिल्मको कास्टिङलाई लिएर नयाँ खबर छ । यसमा सन् २०२१ मा मिस युनिभर्सको ताज जितेकी हरनाज कौर सन्धु पनि देखिने छिन् ।
फिल्मलाई साजिद नाडियाडवालाले निर्माण गर्दैछन् । निर्माताले सामाजिक सञ्जालमा पोस्ट सेयर गर्दै हरनाजको प्रवेशको पुष्टि गरेका छन् । निर्माताले लेखेका छन्, ‘हरनाज कौरलाई मिस युनिभर्सबाट रिबेल युनिभर्समा स्वागत छ ।’ निर्माताले हर्नाजलाई विद्रोही महिलाको रूपमा पनि नाम दिएका छन् ।
हरनाज यसअघि सन् २०२२ मा रिलिज भएको पञ्जाबी फिल्म ‘बाई जी कुटङ्गे’ र २०२३ मा रिलिज भएको ‘याराँ दिन पन बारां’मा देखिएकी थिइन् । ए हर्षको निर्देशनमा बन्ने ‘बागी ४’ मा सोनम बाजवा पनि देखिनेछिन् ।
टाइगर श्राफले हालै सोसल मिडिया प्लाटफर्म इन्स्टाग्राममा सोनम बाजवाको तस्वीर सेयर गरेका छन् । उनले लेखेका छन्, ‘विद्रोही परिवारमा स्वागत छ, बागी ४ मा सोनमको प्रवेशलाई लिएर म निकै उत्साहित छु ।’
त्यसअघि सञ्जय दत्त फिल्ममा जोडिइसकेका छन् । सञ्जय आफैंले सामाजिक सञ्जालमा फिल्मको दोस्रो पोस्टर सेयर गरेका थिए, जहाँ उनी खलनायकको भूमिकामा देखिएका छन् ।
‘बागी’को पहिलो भाग सन् २०१६ मा रिलिज भएको थियो । फिल्ममा टाइगर र अभिनेत्री श्रद्धा कपुर मुख्य भूमिकामा देखिएका थिए । यो फिल्मले त्यतिबेला बक्स अफिसमा राम्रो व्यापार गरेको थियो । त्यसपछि दोस्रो भाग २०१८ मा रिलिज भएको थियो । तेस्रो भाग सन् २०२० मा रिलिज भएको थियो ।
‘बागी ४’ मा टाइगर श्राफ मुख्य कलाकारको भूमिकामा देखिनेछन् । यसबाहेक फिल्ममा जिम्मी शेरगिल पनि मुख्य भूमिकामा देखिनेछन् । यो फिल्म ५ सेप्टेम्बर २०२५ मा हलमा रिलिज हुने जनाइएको छ । मिस युनिभर्स हरनाज सन्धुको प्रवेशको घोषणा भएदेखि नै ‘बागी ४’ गुगलमा ट्रेन्डिङमा छ ।
१९९७–०७७–०७८
© 2026 All right reserved to bampijhyala.com | Site By : Sobij
