प्रा. डा. श्याम जोशी
हाबी थिपुल नुवाकोट य वैश्य ठकुरी पेन नेपाल य शहर दुन्दु जुजु जुयन चोंङ्गुतन जु । आमताक्कु थिपुल द्वाल्खा देश य भीमसीन देउ त् नेपाल देश सोयन लिपुल्गु पिसिन यिनागु थिनागु हंङ्न बखान यंङ् तायन नेपाल देश सोइ रहर लगईजुर । आले भीमसीन देउ मिय रुप कायन नेपाल देश ब्वातजुर ओंन । ठकुरी जुजुन भीमसीन देउ त् खोङ्न ज्ययकुमि बार्प थउ छें कु जे यत्केइत तर्जु । यिथि भीमसीन देउ नेपाल देश कान्तिपुर कु ओङ्न क्वाठ बाहालकु वैश्य ठकुरी य छेंँ कु मिय रूपकु ज्ययकु जुयन चाकरी यङ्न चोंइं लगैजुर ।

ईथि ज्य यङ्न चोंनङ् थिपुल जुजुन भीमसीन देउ त् फर्पिङ कु चोंङगु थउ नाता परैजु ठकुरी य छेँकु ज्य यत्केर छोर्जु । फर्पिङ य ठकुरी य छेंकु ब्याहा दय लागिन छेँ य ज्य यकुपेंन ब्याहा य ज्य कु लगई जुयन चोंङ लागिन भीमसीन तउरी या लई लिबात हङ्न बुँ कु या लकेइत छोर्जु । भीमसीन याकरचान् आपइं ड्वाकु बुँ य या दोखुनुङ लय खोङ्न नाप य बुँ कु ज्य यङ्न चोंङगु पेन दोखुनुंङ छक्क परै जुरहींन ।

आपेन ययन भीमसीन त् “छि गुन खेंङ्, छन् छें गीबी खेंङ् ?” हङ्न केरकार यरी लगई जुरहींन । भीमसीन न हातिंङ महंङन बियन उइं टेंङगु खोंङन दोकुसेनुंङ घेरेङन जोंनहींन् आले ‘छि गुन खेंङ, खेंउ खँ हत’ हंङ्न ख्यारी लगइ जुरहींन् । भीमसीनन आपिस्त “जी दोलखा य भीमसिंन खेंङ । कान्तिपुर गिनागु जियन चोंन हङन सोइत सुलेंन यय खेंङ” । आलेन्ली आकु य मि पिसिन देउ तुका जियन चोन हङ्न सियन माफ फोनहींन् । आकुन्ली आप्सिन आकु य लुंपी ट्वालकु भीमसीन देउ य मुर्ति व देगल दके चित्रकार त् छाई यत्के मुर्ति स्थापना यङ्न पुजा यरी लगई जुरहींन् ।

फर्पिङ य खँ भीमसीन देउ य आमताक्कु य मालिक क्वाबाहल य ठकुरी य नस्पुटिकुंङ थेंनजु । आमुन ईथि बिचार यंङन सोर्जु । उ भीमसीन छेँकु यरंङन नसि ब्यापार बढइ जुयन छेँ कु धन थिखाई लगै जुर; झिदँन नसि देउपिस्त पुजा, भाकल यतङङ कय य मुचा मदउ जु आउ ईरिन कय बुर्जु; जन मिसा त् लाय माला हंङ ब्यथा दउ जु आमुङ आउ लार । उ पक्कै मि मखे देउ जुइ मल हङ टोङन तान्त्रिक त् केन्जु ।

तान्त्रिक न “उ छन्के ओंसीमदके चोंङगु मि द्वाल्खा देश य भीमसिन देउ खेंङ” हतचु । आले आमुन थउके चोंङगु मि वा द्वाल्खा य भीमसिन देउ जियन चोंन हंङ्न ओंसिर्जु । देउ के माफी फोंङन देउ य मुर्ति दकेर्जु आले थि थि प्रार्थना यंङन देउ त् मुर्ति दुपान छोयन देगल दके चित्रकार त् छाई यत्के देउ स्थापन यङ्न पुजा यरी लगई जुर ।

सारेङ : (उ बाखन ‘नेपालको इतिहास राजभोगमाला’ नाम य आनक्के नाप्लरी मदउ साँफुर बंशावली लान कायन दकेय खेंङ । उ य खं ओएन मिपिसिन बाति बाति ब्यागल यङ्न चोयन तय नाप्लरीदम )