नेपाल सम्वत् ११४४, गुँलाथ्वः एकादशी, (३२ साउन, २०८१), शुक्रवार, बाँपीझ्याला । नेपाल हो विश्वकु शान्तीय कामना यङन नेपाली मुलय नामजाउ हिन्दु धर्मगुरु कालिदास “कालिदास” बाबा न केसि नेपाल सम्वत् ११४४, गुँलाथ्वः त्रयोदशी (१ भाद्र, २०८१) कु द्वाल्खा भीमसेन देउकु कोरा क्षमापूजा यकु जुयन चोन ।

पशुपत्रि क्षेत्र विकास कोषय दुज छ्याञ्जे (सदस्य सचिव) भाजु डा. मिलनकुमार थापा न विशेष ग्वङन आराध्यदेव साक्षात भगवान श्री भीमसेन देउय देगकु गुँलाथ्वः त्रयोदशी (१ भाद्र, २०८१) खुनु न्हिनेसय १२ घडीकु पूजा यरीउरी खँ दमु हङन दोलखा भीमेश्वर गुठी व्यवस्थापनय् नायः भाजु भरत श्रेष्ठ न बाँपीझ्याला डटकम त थउ खँ तयन दिरहिन् । आन्थितु आमु ज्य खँकु भारतलान् जायन दिएन चोङन दिउ जगतगुरु, सन्तमहात्मापेन हो धार्मिक विशिष्ट भाजुपेन जायन दिएन हङ नायः श्रेष्ठय खँ दमु ।

ईथि जायन दिउ गुरु नेपाली मुलय नामजाउ हिन्दु धर्मगुरु कालिदास “कालिदास” बाबा सुत्ता द्वाल्खा जायन दिउ दोखुनु पाउँनापिस्त पाखलति बसदिलोलान् लसकुस यङन द्वाल्खा भीमसेन देउकु यईउरी ज्य खँ दयलागिन् दोखुनु आमु लसकुस यङ ज्य खँकु बसदिलो पाखलतीकु सुनीय ११ः३० घडीकु ग्वारकुईतङ दोलखा भीमेश्वर गुठी व्यवस्थापन समितीन् थिगुर चोकेय खँय पती पित कायन ग्वङन ईनाप यङन तरै ।

नेपाल सम्वत् ११४४, दिल्लाथ्वः १४ (५ साउन, २०८१) शनिवार हो नेपाल सम्वत् दिल्लाथ्वः ३ (९ साउन, २०८१) बुधबार भीमसेन देउय शिलाकु चल्ती यउ खेउ । आमु चल्ती ययन लागिन् संकट मोचनय लागिन् राष्ट्रय मुलमीय ल्याखाःन राष्ट्रपतीय ज्यकुठीलान् राष्ट्रपती भाजु रामचन्द्र पौडेलन क्षमा पूजा यरी धोङन् दिरहिन् ।

ईथि नेपालय नामजाउ सन्त गुरु हो भारतय जगदगुरु, सन्तमहात्मापिसिन् कोरा क्षमापूजा यङ उ ज्य खँ पहिला खेउ । ईथि जुर ओङन चोन्गु क्षमापूजाय लागिन् केसि सुनी सुनीय ६ घडीकु यँलान् धर्मगुरु कालिदास “कालिदास” बाबा, पशुपत्रि क्षेत्र विकास कोषय दुज छ्याञ्जे (सदस्य सचिव) भाजु डा. मिलनकुमार थापा सुत्ता मेवु भारत हो नेपाय गुरुपेन द्वाल्खा जायन दिई टेईन हङन् द्वाल्खाय ल्यास्मा समाजसेवी अधिवक्ता भाजु प्रविण प्रधानन ईस्त थउ खँ हङन दिरहिन् ।