बाँपीझ्याला, येँ । भीमेश्वर नगरपालिका वडा ल्याखाः २ द्वाल्खा दुपान जन्म कायेन् स्वःनिग काठमाडौं (येँ, यल व ख्वप) दुपान ययेन् थउ थउ ल्याखाः न् ज्येखँ येङन् च्वङन्दिउ ड्वाकुन्दांगु बुद्धिजीवी मानेरीमल्गु सम्मानित व्यक्तित्व दउ नापं द्वाल्खा त दुपान नुगर्ननसि भिंगु व बाँलकु मति तयन्दिउपे नाप नाप लरीउरी जुयन चोन ।

ईथि नाप लरीउरी ज्य खँकु भाजु मैजु पिस्त आउ येउ येँदला पुनिस्ये जात्राये ब्याला लत्के अले नापनापं ययेन्च्वंगु महनीये हाखेन द्वाल्खा दुपान हाबिन्नसि सोंके च्वङ, चल्के च्वङ जात्रा, नखतचखत व भीमसेन द्येकु येङन् च्वङ ज्येखँ त जाउमदियेन् नीति नियम दुपान च्वङन् ज्येखँ येरित बाँलस्के व्यवस्थापन येरिउरी उद्देश्य तयेन् दोखुसे राय व सर्सल्ला काइत ङेइलाइ ज्येखँ ग्वयेन् नेपाल सम्वत् ११४३ यँलाखिं परेवा तिथि शनिबार (२०८० अशोज १३ गते) खुन्हु सुनीय ११ घडीकु येँ देशये बुद्धनगरदुपान दउ क्रिष्टल भ्वस छेँ (पार्टी प्यालेस)कु ब्व काइत उ च्वकेये खँ पित द्वाल्खा गुठीन पित कायन तरै ।

छीजि द्वाल्खा दुपान हाबिन्नसिये पुर्खापिसिन् चल्के तये जात्रा नखतचखत हातिउरी कारण न घसान् घसान् ताङन् वङन् च्वन । जात्रापेन् पितकाइत ठाकयेन् येउ समस्या, जात्रा येरित मिपेन् ग्वार्मुइँ त पियेउ समस्या आले द्वाल्खाये मूल परम्परा त पिपानये मिपिसिन् ओल्तेचा लोभ क्येङन् थउ नाम जाकेइत येरिटेङ ज्येखँ त गिथि येङन् प्वइँरी, द्वाल्खाये ठाइँकु हाबिन्नसिये द्येउ दके दके मेमेबु द्येउ हायेन् स्वारिउरी स्वात्केइरी ज्येखँ छीजिलागिन् बाँलकु मखे ।

ईनागु खँ यरी सोयन हाखेन सल्लाह यरीउरी, आन्थीतु लोककु नाम जायेन् च्वंगु दोखुसे नुगर दुपान थायेन् च्वंगु भीमसेन द्येउकु पिपानये मिपेन् येर्न द्वाल्खाये मिपिसिन्तु बामलकु व्यवहार येत्चु हङन् भ्वँरपति व सामाजिक सञ्जालकु बामलस्के च्वयेन् बिनाम दकेर्न छीजि लिबिये सन्तान दरसन्तान पिस्त गिनागु असर जुयेउ हङ खपिस्त तयेन् सर्सल्ला येङन् द्वाल्खा भिंकेइरी ल्याखान् उ ज्येखँ ग्वइ टेङ खेउँ हङन् द्वाल्खा गुठीये मूलमि भाजु विनोद मास्केन् इस्त उ खँ ब्वठये दमु ।

सत्नतु हमिल्नसिन् थापरे वंगु गुल्ना पुनिसखुन्हु ड्वाक् ड्वाकस खाकेर्नङ् म्वलोउ मज्यु खँपेन् खोइँ दत । डाकस जु न तु लाहा त्वार्त ल्वारि म्वालिउरी ज्ये बाँलकु मखेउजु । आन्थितु भैरवकुमारीये छेँकु देशकुं मदउ चलन पितकायेन् मेबु कुमारी स्वारीत हाइरी ज्येङ् बाँलकु मखेउजु । आन्थितु भीमसेन द्येकु द्येउये नामकु छाइत हाये डुकुये खँपेन् पित येर पिपानये मिपिसिन् द्वाल्खामिपिस्त तु बामलस्के सामाजिक सञ्जालकु च्वयेन् छीजि नास्कु हाकौ कित्केइ म्वाल्जु उ हात्त जुर हङ खँपेन् छीजिन् थउतु थुकेइमल्गु दमु । गुनानुं पेंगरच्यागर ढ्याबा बिर्जु हत्नसिन्तु थउ ख्वाल्कु पल्ट कइवा मजिरले मखेरा ?

आमकारण न अशोज १३ तिथी शनिबारखुन्हु छीजि दोखुनु नाप्लङन् थउ थउ खँ तयेन् द्वाल्खा त भिंकेइरी ज्येखँ येरिलौ हङन ईसि खेन्नलान् विन्ती छारगु ।