छीजि द्वाल्खाये मुलखा छीजि ययेउरा हङन् चलेन् च्वन । झ्यालापेन् ग्वङन् च्वन । चपिल प्वङ्ला जुयेन् ख्वाल खिङके च्वन । बाजाक् ठ्याकु मिपेन् मदयेन् प्याखन् मुचापेन् नक्कुकु लाहातयेन् पिरकायेन् च्वन । म्येहल्गुपेन् दर्स बाजा ठ्याकुपेन् मद । ढोलक बाजाक् ठ्याकुपेन् थिम्हा निस्म्हा पितयेर्स म्वारी फु मद । म्वारी फुपेन् पितयेर्स प्याखन् जुपेन् मदयेन् म्वारीये रसतु ताङन् वङन् च्वन । बाँसुरी फुउङ् मदउ मखे दमु । आमु बाँसुरीये सर् ङेङ्गु मिपेन्तु मद हर्स बाँसुरीये हाति अर्थ जुर ।

थउ द्वाल्खाये आम्लिस्टिुलके माया तु दउ जुर्स कोट्मान् चुयेन् जिररा, चहक ख्वइँदउ चश्मा तयेन् जिररा उइँ मल्दनले द्वाल्खा…खाली होटल धुन्दु पेम्हा च्याम्हा ग्वार्मुङन्, सञ्चरबार थिपुल नापलङन् द्वाल्खाये लागिन् हातिं येरिमल्दन हङन् जा बुत्केइरी खँ लायेन् गुल्पनुं द्वाल्खा हाखेन येइ मफउ रा ?

येँ देशकु च्वङन् ‘हाबि हाबि द्वाल्खाये गुलि चहक दउजु, गुलि रनीबनी जुजु, थाब्न स्येङ्न नसि भीमसेन् डोबर टुल्के टुटि पाराक तइत ठाइँ मदके पिखनये मिपेन् थिखार येउजु आउ वा ग्वा..’ हङन् पुलि ठ्याङन् च्वङन् मजिर । छेँ, बुँ, स्वाँरा (जग्गा जमीन) ड्यारिताक्कुरी नस्ता ज्येखँ त्वार्तयेनुं थउ पुस्तेनी सम्पत्ति मदयेउ हङन् ब्वाङन् उइँ जिउ, आले द्वाल्खाये जात्रा, नखतचखत ङाकेइत उइँमल्नसिनुरि.. ‘इसि वा बुराबुरी जुर्गु, छेँ स्वइमल, मुचापेन् स्वइमल, आउ छिपे पाला क वङन् बाँलस्के येङन् यान्ना,..’ हङन् हरि स्वयेन् थउ मुचापेन् कय इरी, छय छुइ मिचपिस्त ग्वार्मुङन् ‘ल ङान् बाबुनानीपेन् थउ द्वाल्खाये जात्रा ङाकेइमल, थउ संस्कृति हो रीतिरिवाज ताङ्केइमजी निस्न्हु जुर्सं द्वाल्खाये ख्वाल चक्वङ्केइलौ ङान्’ हङन् ड्वाकुन्दांगु बुद्धिजीवीपिसिन् हङन् पाराक ल्येर्जु हर्स दोख्सेंङ् डिं टेङ्गु निरउङ् तिर्पायेन् उइँत ययेउ जउ ।

द्वाल्खाकु च्वङन् च्वङ्गु दाजुकिँज तातकेहेँ पिसिनुं पिपान च्वङ्गु थउ जहान परिवार हो नाताकुतापिस्त सत्तैमल्दन, हाति मद, हात मगत, हाति कारण्न हङथेँ ज्ये खँ येरि मफये खेउँ उ खँ त पित हाइरी बल येरिमल्दन । गिब्लानुं पिपान च्वंगु द्वाल्खाये थउ दाजुकिँजपिसिन् द्वाल्खायेतु लागिन् ज्येखँ ग्वयेन् हातिं येरिम्वाल्स फर्स ग्वाहार बियेन् मफर्स सर्सल्ला बियेन् लाहाकु लाहा बाहाकु बाहा टोइँरी ज्ये येरि फइसइ मल्दन ।

आमुङ् थउ ल्याखाःन् उइँ मद सास थिमुठी त्वार्तइत कालये आदेश मल, स्वालाकु मिन्तितङ् बार्मुन व थाकतीन् ल तिउ हङन्तुनस् मिन्तिरै हर्स हात्त मेप्सिन् येङ ज्येत म्वसोइरी ?

इथि जुये लागिन् थापरेन्नसि दाँस्पत्तिङ् गुन्लाये जात्रा ङाकेइत उइँलौ । थापरेन्नसि यले च्वङन् च्वंगु जागिरे, पसले, होटेल चल्याङन् च्वंगु जुर्सं ब्याहा जुयेन् वंगु तिताकेहे म्यासमुचा जुर्सं, पत्रकार, साहित्यकार, कानुनविद, डाक्टर, ईन्जिनियर दोखुनुं वङन् गुन्ला मानेरि त द्वाल्खा थ्येइँलौ ।

उ खँ त दुपान नुगर्ननसि बाँलकु टोङन् जायेन्दित हङ ड्वाकु आश आले विश्वास कायन चोनगु । जय द्वाल्खा, जय भीमेश्वर, जय गुन्ला ।