बाँपिझ्याला येँ, नेपाल सम्वत् ११४३ चौँलाथ्व तृतिया शुक्रबार । नेवार देशय् डोबर द्ववाल्खा स्वनिगः येँ व द्वाल्खा जिल्लालान् स्वनिगः देश दुपान ययेन्च्वंगु नेवार दाजुकिँजपे नाप थि जुयेन् च्वइँलौ हङ मन्कु टोङन् दकेय् खलक नेवाः देय् दवु द्वाल्खा स्वनिगः येँ खलकय् मूलमि मयजु सकुना श्रेष्ठज्यूय् नायकु जु दोखुनु स्वयेन् हाखेनय् मुङ ज्येखँ थन्हु धोन ।

उ मुङ ज्ये खँकु नेवार देशय् डोबरय् केन्द्रीय क्वमूल्मि भाजु शान्त श्रेष्ठ, केन्द्रीय दुज्येमि भाजु उपेन्द्र प्रधान, द्वाल्खा जिल्ला समिति खलकय् मूलमि भाजु देवेन्द्र नारायण प्रधान, द्वाल्खा नेपाल भाषा खलकय् मूलमि भाजु नहेन्द्र प्रधान, नेदेदबू येँ जिल्लाय् ब्यागल् ज्येखलक (अतिरिक्त क्रियाकलाप विभाग)य् ज्येग्वउमि भाजु बालकृष्ण श्रेष्ठ, समकालिन एकता समाज नेपालय मुल छ्याञ्जे मयजु सुनी प्रधान, दुज कल्पना जोशी, प्रेम पूर्ण प्रताप फाउण्डेशनय नायः मयजु शान्ती श्रेष्ठ, ऊर्जाशिल महिला समाजय नायः मयजु अञ्जु श्रेष्ठ, छिजी द्वाल्खा डोबरय् नायः मयजु रिना श्रेष्ठ, नेवार पत्रकार राष्ट्रिय डोबर द्वाल्खा जिल्लाय् मूलमि त्रिलोचन प्रधान नापं उ नेवार देशय् डोबर द्वाल्खा स्वनिगः येँ स्वाङ खलकय् क्वमूलमि शंकर जोशी, ढ्याबा बरिल व दुज्येमिपेन् रेजी श्रेष्ठ मास्के येउ दउजु ।

थन्हुय् मुङ ज्येखँय् मूल उद्देश्यरि आउ येउ चौँलागा पंचमी (चैत २८गते) जुइटेङ्गु नेवार देशय् डोबर बागमती प्रदेशय् मूल ज्ये थापरे द्वाल्खाकु येरिउरि खँ दये लागिन् द्वाल्खाय् बुग्द्यउ सले दोखुनु स्वयेन् नामजाउ न्हिय् ल्याखाकु टस्चा ट्वाल्लान् रास्नीय् थाटोँ गके थाब्न सेङ थेङ्के सलिउरि न्हि खुन्हु लत्के आमु ज्ये खँङ् आमताक्कु तु चल्केइरि खेउँ हङ खँ पितयेउ सिदत ।

उ तु ज्ये खँय् ल्याखाकु थन्हु मुङ ज्येखँकु जायेन्दिउ नेवार देशय् डोबरय् केन्द्रीय क्वमूलमि भाजु शान्त श्रेष्ठ, केन्द्रीय दुज्येमि भाजु उपेन्द्र प्रधान्, द्वाल्खा जिल्लाय् मूलमि भाजु देवेन्द्र नारायण प्रधान, आउय् नेवाः देय दवु द्वाल्खा स्वनिगः येँ खलकय् मूलमि मयजु सकुना श्रेष्ठ व नेवार पत्रकार राष्ट्रिय डोबर द्वाल्खा जिल्लाय् मूलमि भाजु त्रिलोचन प्रधान व दोखुसेनुं येउता ज्येखँ ग्वर्नसिन् ढ्याबा तु मल्गु जुये लागिन् आउ येउ ज्येखँ त बाँलस्के चल्के सोंकेइत ढ्याबा मुइँरि ज्येखँ येरिउरि जुर ।

आन्थितु आमताक्कु नेवार देशय् डोबर बागमती प्रदेशय् मूलमि नापनापं केन्द्रीय मूलमिपेनुङ् उइँरि खँ दये लागिन् आपिस्त लसकुस (स्वागत) येरिउरि व नइ च्वँइत ठाइँय् बन्दोबस्त येरित दोखुसेनुं ग्वाहार बियेन् थउ द्वाल्खाय् दोखुनुं नेवारपेन् थिजु क्येइँमल हङ खँ तये सिदत । उ तु ल्याखाःकु मतिन् थिम्हान् बियेन् जिररा खलक मुङन् जिररा उ ज्येखँ बाँलस्के ग्वयेन् क्येइँरि खँ जु सिदत । वय लागिन् थनु ओल्ते गत्के टाका ग्वारमुन्द ययन चोन । वय दोखुनु ल्याखा लिवी वित हाईरी खँ दमु ।