जुलुलान् येउ बेलपत्रय् डोलीं खोइँ मन्त, न नेपालय् थउ राष्ट्रिय पञ्चैबाजाक ताइदत, न बाबरे चिलंखाय् मिपेन् येर, न मकैबारी, माटी, किरातीछापलान् येउ मिपेन् खोइँदत, न तामाकोसी खोन् पारिय् मिपेन् भीम एकादशीक« बल्न्हि ययेन् इतार च्यारित येउ खोइँदत ।

मेबु वा मेबुतु जुर माबाल र्लाै हरिक थउतु ठाइँकु जन्म कायेन् आमुतु ठाइँय् चा धुलोकु मेथयेन् ड्वाकयेन् ड्वाकुन्दांगु जुयेन् ड्वाक्ड्वाकु पदकु थ्येङन् नाम जाके च्वंगु गण्यमान्य जुपेन्टुल्के द्वाल्खाय् जात्रामात्रा ङाकेर येइत टुलके बास मसिहिन् हर्स जि द्वाल्खामि हङन् ड्वाकू सुकाइ।ि हात्त ?

जि द्वाल्खाय् फलाना संस्कृतिय् सिउताउ, जि परम्परा त म्वात्केइत जाउमदियेन् लिङाउ फलाना हङन् नास ड्वाकके लिङाइतं भातिचा वा मछलि मल्गु खेउँ, ग्वाले द्वाल्खाय् ड्वाकुन्दांगुपेन् ? ग्वाले नेतापिस्त थउ मुठिकु तयेन् म्येथके च्वंगु ल्यास्म्हा भाजु मयजुपेन् , गिबि तान ? थउ बुथुरकु जा व केँ बुत्केइत टुल्के नगरपालिका व राज्यय् भरकु टेक्कायेन् लिङाउपिसिन् हात्त उ जात्रापेन् ङाकेइत ह्याउ पित माकार्जु ? ङेसर वा लाखौं पित येर, लिसर गुनान् बियेउ ?

द्वाल्खा उ हविगत ख्वङन् खोयेन् च्वन । पुखुरकु लोखु मदर्सं राज्य त दोष, संस्कृति ताङन् वन्सं राज्य त दोष, जात्रा म्वयेन् वन्सं राज्य त दोष बियेन्च्वङन् थउ कर्तव्य व दायित्वलान् लिचिलिेन् उइँरि हङ थउ नथउ लागिन् गह्र मुइरि खेउँ हङन् खँ थुकेकाउ गुन्ले ? थन्हु इसि थिनागु जात्रा उ लोककु गुनानु् पितकाइ मस, गुुं देशकुं इनागु जात्रा नखतचखत मद हङन् न्हास टिक्रेत्के लिङाउपेन् गिबि तान ?

उ तुङ् जात्रा आउ स्वयेन् घत्कें हाखों मखे, निङाद हाखेन टुल्के द्वाल्खामिपे म्यास्मुचापेन् पित येइततु घ्यार्दके पिपानय् मिपेन् थिखाउजु, थाब्न सेङ्लान् द्येकु थ्येइँत ध्वाङ्ध्वाङ्नियेन् लिङाइ मल्गुजु, आउ ययेन् थउ किपान् थउत ध्वाङ्नियेउरा हङन् तिर्पाइमल्गु ब्याला येउ खोइँदर्न गुनेउरि नुगर म्वख्वयेउ ? आउङ् निर्न माचार्जु हर्स द्वाल्खाकु खोङौ फसटुल्के नापलरि ठाकयेउ ना होस येरिलौ !

द्वाल्खा हाबिये बाजे बराजु टेकबहादुर, भैरवबहादुर, भवानीशंकर, गौरीमान, कलकबहादुर, कालुमान, भाजुमान, दिलबहादुर, खड्गबहादुर, चेतबहादुर, कृष्णबहादुर, चक्रबहादुर, वीरबहादुर कसजु, टलकबहादुर, मेहरमान, धनबहादुर, जनकबहादुर (धनमाला)कसजु, पिसिन् गिथि म्वात्के तये खेङ् आन्थितु म्वात्केइत ल्वाप्डोइँलौ । मखेना हर्स हाबि हाबि थाब्न बजारय् सेङ्लाङाकु पाराक तइत तु ठाइँ मदके थउथउ मौलिक खँय् झ्याउरे म्ये, लोक म्ये हलेन्

दोहोरी म्येथयेन् गुलि रसताइदके द्वाल्खाय् नाम डाके तउतन् । पिपानय् मिपेन् गिथिकि पवटी, फस्कुलान् बदाम मित हाउतन्, सुनखानी, बाबरेखेन्नलान् सुन्तला टुँ मित हाउतन्, घरेलुय् थिगुरी गुलि चहकदके मिपेन् हतइिथि थातकोत जुतन् आउ ग्वाले ?